Félagsmála- og tómstundanefnd

Undir þessum lið sat Gunnar Gestsson fyrir hönd UMSS. Umræða um samstarfssamning Skagafjarðar og UMSS sem unnið er að endurnýja.
Nefndin felur frístundarstjóra að vinna drög að samningi.

Lögð fram beiðni um styrk vegna íþrótta- og leikjanámskeiða barna í Fljótum.
Félagsmála- og tómstundanefnd fagnar umsókninni og samþykkir að veita styrk að upphæð 150.000 krónur til íþrótta- og leikjanámskeiða fyrir börn í Fljótum.

Tekin fyrir styrkbeiðni frá frjálsíþróttakrökkum í Skagafirði vegna æfinga- og keppnisferðar til Svíþjóðar 2023.
Félagsmála- og tómstundarnefnd samþykkir að styrkja ferðina með kaupum á auglýsingu á peysur þeirra að fjárhæð 50.000 kr.
Nefndin óskar þeim góðs gengis.

Félagsmálastjóri kynnti vinnu við endurmat á reglum um þjónustu við fatlað fólk, reglurnar taka mið af Þjónustusamningi um þjónustu við fatlað fólk á Norðurlandi vestra sem tók gildi 1.janúar sl. Drög að uppfærðum reglum um skammtímadvöl fara til umfjöllunar og afgreiðslu hjá aðildarsveitarfélögum þjónustusamnings á næstu vikum.

Farið yfir mönnunarstöðu á starfsstöðvum innan félagsþjónustunnar sumarið 2023.

Lagt fram eitt mál, fært í trúnaðarbók.