Félags- og tómstundanefnd Svf. Skagafjarðar

Lagðar fram breytingar á reglum um úthlutun úr afrekssjóði Sveitarfélagsins Skagafjarðar. Breytingarnar taka til 4.-6. greinar og miða að því að einfalda og skýra reglurnar. Nefndin samþykkir reglurnar og hvetur til þess að sjóðurinn sé betur kynntur foreldrum og íþróttafélögum.

Lagðar fram breyttar reglur um Hvatapeninga. Breytingarnar snúa að einföldun reglnanna en inntak þeirra er óbreytt. Nefndin samþykkir breyttar reglur og vísar þeim til sveitarstjórnar.

Lagðar fram endurskoðaðar starfsreglur varðandi umsóknir til Sveitarfélagsins Skagafjarðar um styrki til íþrótta-, æskulýðs- og forvarnarmála, sem ekki njóta styrkja í gegnum samning UMSS við Sveitarfélagið Skagafjörð. Reglurnar hafa verið einfaldaðar og gerðar skilvirkari. Nefndin samþykkir reglurnar og vísar þeim til sveitarstjórnar.

María Dröfn Guðnadóttir. Laugatúni 15, sækir um framhaldsleyfi sem dagforeldri. Öll tilskilin gögn fyrirliggjandi. Umsækjandi hefur verið með bráðabirgðaleyfi. Hefur lokið réttindanámskeiði fyrir dagforeldra. Félags-og tómstundanefnd samþykkir framhaldsleyfi fyrir 5 börn.

Guðrún Erla Sigursteinsdóttir, Hólavegi 27 sækir um bráðabirgðaleyfi til að starfa sem dagforeldri. Nefndin samþykkir veitingu bráðabirgðaleyfis, sbr. 15 gr. reglugerðar nr. 907/2005 fyrir 4 börnum þar með talið eigið barn allan daginn.

Mandy Ueberberger, Grenihlíð 26, sækir um leyfi til að starfa sem dagforeldri. Öll tilskylin gögn ligga fyrir. Félags- og tómstundanefnd samþykkir veitingu bráðabirgðaleyfis, sbr. 15 gr. reglugerðar nr. 907/2005 fyrir 4 börnum þar með talið eigið barn allan daginn.

Tekið fyrir 1 mál og niðurstaða færð í trúnaðarbók.