Fara í efni

Félags- og tómstundanefnd Svf. Skagafjarðar

69. fundur 18. október 2005
Félags- og tómstundanefnd Skagafjarðar
Fundur 69 –  18.10.2005
 
            Ár 2005, þriðjudaginn 18. október var haldinn fundur í Félags- og tómstundanefnd Skagafjarðar og hófst hann kl. 15:00 í Ráðhúsinu.
            Mættir: Ásdís Guðmundsdóttir, Elinborg Hilmarsdóttir og Harpa Kristinsdóttir. Af hálfu starfsmanna: Gunnar M. Sandholt og María Björk Ingvadóttir, dagskrárliður 3. Elísabet H. Pálmadóttir, forstöðumaður Dagvistar aldraðra, mætti undir 1. dagskrárlið
           
dagskrá:
  1. Dagvist aldraðra, - lögð fram greinargerð um starfsemina
  2. Formaður UMF Tindastóls, Páll Ragnarsson, kemur á fundinn
  3. Samstarf um forvarnir í Skagafirði
  4. Yfirlit um fjárhagsaðstoð 2002 – 2004
  5. Jafnréttismál. Kvennafrídagur 24. október 2005
  6. Trúnaðarmál
  7. Önnur mál
 
Afgreiðslur:
  1. Elísabet Pálmadóttir, forstöðumaður Dagvistar aldraðra fór yfir greinargerð um eftirfylgd starfsáætlunar. Félagsmálastjóri fór yfir drög að samstarfssamningi við Heilbrigðisstofnunina. Nefndin felur forstöðumanni og félagsmálastjóra að ganga frá samningi við HS í ljósi umræðna sem fram fóru á fundinum
  2. Formaður Tindastóls kom á fundinn, og reifaði ýmis mál er snerta samstarf  sveitarfélagsins og ungmennafélagsins, afnot af íþróttamannvirkjum og framtíðarskipulag.
  3. Lagt fram minnisblað frá skólameistara FNV. Í bígerð er samstarf um forvarnarstarf með aldurinn 16 – 20 ára í huga. Hugmyndin er að byggja samstarfið upp kringum einstök verkefni og opna verkefni fyrir ungmennum sem ekki eru í skólanum. Nefndin felur starfsmönnum að vinna áfram að samningi um verkefnið á þeim nótum sem FNV hefur kynnt.
    Einnig heimilar nefndin að fjárveiting til forvarna verði nýtt að hluta fram til áramóta til að unnt sé að halda úti opnu húsi/og vöktum í forvarnaskyni á föstudags- og laugardagskvöldum í samvinnu við Rauða krossinn.
  4. Félagsmálastjóri lagði fram yfirlit um fjárhagsaðstoð 2002 – 2004. Nefndin óskar eftir að skýrslan verði lögð inn á heimasíðuna.
  5. Kynnt dreifibréf varðandi kvennafrídag 24. október 2005.
    Eftirtalin bókun var samþykkt samhljóða: “Félags- og tómstundanefnd sem einnig er jafnréttisnefnd sveitarfélagsins beinir þeim tilmælum til forstöðumanna sveitarfélagsins og annarra atvinnurekenda í Skagafirði að þeir gefi konum á vinnustöðum sínum kost á að leggja niður störf kl. 14:08 þann 24. október 2005 í tilefni kvennafrídagsins. Launamunur kynjanna er enn við lýði og mikilvægt að vekja athygli á því með því að sýna samstöðu á þessum degi.”
  6. Trúnaðarmál. Kynntar afgreiðslur félagsmálastjóra.
  7. Önnur mál engin
 
Fleira ekki gert, upplesið og staðfest rétt bókað. Fundi slitið kl 17:35