Byggðarráð Svf. Skagafjarðar

Lögð fram umsókn frá Hjalta Pálssyni um launað rannsóknarleyfi í eitt ár, sem þó yrði tekið með hléum næstu nokkur ár.
Byggðarráð felur sveitarstjóra að vinna að málinu í samráði við menningar- og kynningarnefnd og í samræmi við starfsmannastefnu sveitarfélagsins.

Lagðar fram til kynningar megináherslur Sambands íslenskra sveitarfélaga í úrgangsmálum ásamt aðgerðaáætlun.

Lögð fram drög að samkomulagi við Kaupfélag Skagfirðinga um efniskaup í síðari áfanga leikskólabyggingar við Árkíl, með fyrirvara um fjármögnun verksins. Einnig lögð fram greiðsluáætlun vegna framkvæmda ársins 2009.
Byggðarráð samþykkir að fresta afgreiðslu samkomulagsins til næsta fundar.

Lagt fram hluthafasamkomulag dagsett 3. febrúar 2009 á milli Sveitarfélagsins Skagafjarðar, Skagafjarðarveitna ehf og Kaupfélags Skagfirðinga annars vegar og Gagnaveitu Skagafjarðar hins vegar um hlutafjáraukningu á árinu 2009 að upphæð 55 milljónir króna. Málið áður á dagskrá 438. fundar byggðarráðs.
Byggðarráð samþykkir hluthafasamkomulagið eins og það er fyrir lagt.

Lögð fram drög að skipulagsskrá Sjóðs Starfsendurhæfingar Norðurlands vestra. Einnig lagt fram stofnfundarboð Starfsendurhæfingar Norðurlands vestra.
Byggðarráð samþykkir skiplagsskrárdrögin og felur sveitarstjóra að sækja stofnfundinn fyrir hönd sveitarfélagsins.

Lagt fram bréf frá Björgvini M. Guðmundssyni þar sem hann óskar eftir að kaupa eða leigja hús gömlu lifrarbræðslunnar á Hofsósi sem stendur norðan við húsið Nöf.
Byggðarráð samþykkir að leigja bréfritara húsið með þeim fyrirvara að rýma gæti þurft það með skömmum fyrirvara. Sveitarstjóra falið að ganga frá leigusamningi um húsið.