Byggðarráð Svf. Skagafjarðar

Unnið með gögn vegna endurskoðunar fjárhagsáætlunar 2009. Herdís Á. Sæmundardóttir fræðslustjóri kom inn á fundinn til viðræðu.
Byggðarráð samþykkir að vísa til allra sviðsstjóra og viðkomandi nefnda, fyrirliggjandi tillögum að hagræðingarkröfum sem fyrir fundinum liggja. Byggðarráð óskar eftir að fá til baka í síðasta lagi mánudaginn 15. júní nk., ítarlegar sundurliðanir á því hvernig skuli ná fram þeirri hagræðingu sem farið er fram á. Stefnt er að því að afgreiða endurskoðaða fjárhagsáætlun fyrir árið 2009 á síðasta sveitarstjórnarfundi fyrir sumarfrí 30. júní 2009.
Bjarni Jónsson leggur fram svohljóðandi bókun: "Undirritaður telur sig ekki hafa forsendur til að taka afstöðu til þessara tillagna um breytingar á fjárhagsramma málaflokka sem fyrir fundinum liggja frá sveitarstjóra."

Samþykkt fræðslunefndar frá 48. fundi nefndarinnar um úthlutað kennslumagn fyrir grunnskólana skólaárið 2009/2010 vísað til byggðarráðs. Herdís Á. Sæmundardóttir fræðslustjóri sat fundinn undir þessum dagskrárlið.
Vegna vinnu við endurskoðun fjárhagsáætlunar 2009 samþykkir byggðarráð að fresta afgreiðslu þessa liðar.

Umsókninni vísað af 472. fundi byggðarráðs til umsagnar menningar- og kynningarnefndar. Bókun 39. fundar menningar- og kynningarnefndar er á þann veg að nefndin hafi ekki fjármuni til að verða við þessu erindi.
Byggðarráð sér sér ekki fært að verða við erindinu.

Lagður fram tölvupóstur frá forsvarsmanni Jarðgerðar ehf. þar sem óskað er eftir 350 þús.kr. framlagi sveitarfélagsins til starfseminnar pr. mánuð árið 2009.
Byggðarráð samþykkir að verða við erindinu að því gefnu að aðrir eigendur fyrirtækisins komi með sambærilegt framlag. Byggðarráð væntir þess að með þessum framlögum sé reksturinn tryggður til framtíðar og sem fyrst og eigi síðar en í ársbyrjun 2010, verði farið að greiða fyrir þjónustu fyrirtækisins eftir innvegnu magni úrgangs.

Tillaga að gjaldskrá fyrir Tónlistarskóla Skagafjarðar fyrir skólaárið 2009/2010 vísað til byggðarráðs til staðfestingar frá 48. fundi fræðslunefndar.
Vegna vinnu við endurskoðun fjárhagsáætlunar 2009 samþykkir byggðarráð að fresta afgreiðslu þessa liðar.

Erindi vísað frá 143. fundi félags- og tómstundanefndar varðandi endurnýjun á merkingum á frjálsíþróttavellinum.
Byggðarráð samþykkir að verja 700 þús.kr. af þeim 3 mkr. sem er áætlaður kostnaður sveitarfélagsins vegna Unglingalandsmóts UMFÍ í þetta verkefni.

Lagt fram tilboð til sveitarstjórnar Skagafjarðar frá Ungmennafélaginu Neista og Sjálfseignarstofnuninni Hofsbót sem afhent var á 478. fundi byggðarráðs.
Byggðarráð fagnar frumkvæði heimamanna í þessu máli og samþykkir að fela sveitarstjóra og tæknideild að leita nánari upplýsinga frá tilboðsgjöfum um tilboðið. Í framhaldi af þessari úttekt verði fundað með tilboðsgjöfum.

Lagt fram bréf frá Óbyggðanefnd varðandi kröfur fjármálaráðherra fyrir hönd íslenska ríkisins um þjóðlendur á vestanverðu Norðurlandi (nyrðri hluta) og opinber kynning óbyggðanefndar á þeim.
Byggðarráð felur sveitarstjóra og landbúnaðarnefnd í samráði við lögfræðing sveitarfélagsins í þjóðlendumálunum að vinna að framgangi málsins.
Byggðarráð lýsir undrun á því að þessum málum skuli haldið til streitu í þessu árferði með tilheyrandi kostnaði fyrir alla aðila. Byggðarráð beinir eindregnum tilmælum til fjármálaráðherra að hann sjái til þess að allri kröfugerð íslenska ríkisins í þjóðlendumálum verði slegið á frest.

Lagður fram til kynningar tölvupóstur ásamt "Referat fra borgmestermøde den 14. maj 2009"