Byggðarráð Svf. Skagafjarðar

Fjárhagsáætlun sveitarfélagsins og stofnana þess vegna ársins 2009 lögð fram til fyrri umræðu.
Byggðarráð samþykkir að vísa fjárhagsáætluninni, með þeim breytingum sem gerðar voru á fundinum, til fyrri umræðu í sveitarstjórn.
Margeir Friðriksson, sviðsstjóri Stjórnsýslu- og fjármálasviðs, sat fundinn undir þessum lið.

Byggðarráð samþykkir að breyta gjaldskrá lóðarleigu ræktunarlands í eigu sveitarfélagsins, fyrir árið 2008, þannig að leiga ræktunarlands utan þéttbýliskjarna verði 0,70 kr/m2 og leiga ræktunarlands í þéttbýli verði óbreytt 1,00 kr/m2.

Á fund ráðsins komu eftirtaldir fulltrúar til viðræðu um hugmyndir að breytingum á starfsemi Byggðastofnunar og nýrri starfsemi í tengslum við þær. Frá Iðnaðarráðuneyti Kristján Skarphéðinsson ráðuneytisstjóri, Einar Karl Haraldsson, aðstoðarm. ráðherra og Guðrún Þorleifsdóttir, lögfræðingur; frá Hagstofu Íslands Ólafur Hjálmarsson Hagstofustjóri; frá Ferðamálastofu Ólöf Ýrr Atladóttir ferðamálastjóri og Elías Gíslason forstöðum. Upplýsinga- og þróunarsviðs Ferðamálastofu á Akureyri og frá Nýsköpunarmiðstöð Þorsteinn Ingi Sigfússon.

Lagt fram bréf frá samgönguráðuneytinu þar sem fram kemur m.a. að ef einstök sveitarfélög sjái sér ekki fært að uppfylla ákvæði um skil á fjárhagsáætlun innan hins tiltekna frests (þ.e. fyrir 31.12. 2008), getur ráðuneytið veitt lengri frest enda séu brýnar ástæður fyrir hendi, sbr. 61. gr. laganna. Ráðuneytið mun skoða jákvætt að veita slíka fresti verði eftir því leitað, enda liggi fyrir formleg ákvörðun í sveitarstjórn eða byggðaráði þar að lútandi.
Byggðarráð samþykkir að óska eftir skilafresti til loka janúar 2009.

Lögð fram til kynningar afrit af bréfum frá 1. þm. Norðvesturkjördæmis, Sturlu Böðvarssyni sem hann ritar í nafni þingmanna Norðvesturkjördæmis til ráðherra í Ríkisstjórn Íslands.
Byggðarráð þakkar 1. þm. kjördæmisins fyrir að fylgja málunum eftir.

Lagt fram til kynningar bréf frá Rekstrarfélagi verðbréfasjóða í Íslenskum verðbréfum hf. um vanda peningamarkaðssjóða ÍV í kjölfar bankahrunsins.
Fjármálastjóri upplýsti að fyrir bankahrun hafi sveitarfélagið átt um 3. millj. króna í þessum sjóði.

Fundargerð Húsfélags Stjórnsýsluhúss, dags. 08.12.2008, lögð fram til kynningar.