Byggðarráð Svf. Skagafjarðar

Lagður fram tölvupóstur frá Kjartani Jónssyni ásamt myndum þar sem sveitarfélaginu er boðið til kaups fuglasafn. Þetta sérstaka og fágæta safn telur nú 150 fugla ásamt hvítum ref og hvítum mink. Byggðarráð þakkar fyrir boðið en sér ekki fært að kaupa safnið.

Lagt fram aðalfundarboð frá Verinu Vísindagarðar ehf. Aðalfundur verður haldinn þann 25. október n.k. kl. 16.00.
Byggðarráð samþykkir að Gunnsteinn Björnsson fari með atkvæði sveitarfélagsins á fundinum.

Lagt fram bréf frá Einari Þorvaldssyni þar sem hann óskar eftir því að farið verði í meiri þakviðgerðir á Félagsheimilinu Höfðaborg en til stendur á þessu ári. Byggðarráð samþykkir að vísa erindinu til fjárhagsáætlunar ársins 2018.

Lögð fram drög að samþykktum fyrir öldungaráð hjá Sveitarfélaginu Skagafirði. Byggðarráð samþykkir fyrirliggjandi drög og vísar þeim til umsagnar hjá Félags- og tómstundanefnd.

Á byggðarráðsfundi 10.nóvember 2016 vísaði Byggðarráð Sveitarfélagsins Skagafjarðar því til sveitarstjórnar að hafna hækkun á launakjörum fulltrúa í stjórnum, ráðum og nefndum sveitarfélagsins, sem gerði ráð fyrir 44% hækkun þingfararkaups sem kjararáð úrskurðaði um þann 29. október s.l. Sveitarstjórn samþykkti að hafna hækkun kjararáðs og fól byggðarráði að koma með aðra tillögu. Byggðarráð Sveitarfélagsins Skagafjarðar leggur til við sveitarstjórn að nefndarlaun sem bundin eru þingfarakaupi samkvæmt samþykktum sveitarfélagsins hækki um 15% í stað 44%.

Sveitarstjóri fór yfir verklag vegna fjárhagsáætlunar 2018-2021. Byggðarráð samþykkir fyrirliggjandi verklag.

Trúnaðarmál fært í trúnaðarbók.

Lagt fram til kynningar reglugerðarbreytingar varðandi fjármál sveitarfélaga. Reglugerðir númer 792/2017 og 793/2017.

Lagt fram til kynningar fundargerð stjórnar SSNV frá 12.september 2017.