Byggðarráð Svf. Skagafjarðar

Sjá trúnaðarbók.

Lagt fram bréf dagsett 29. mars 2017 frá Markaðsstofu Norðurlands. vaðandi varðandi þátttöku sveitarfélaga í flugklasanum Air 66N árin 2018-2019. Óskað er eftir aðkomu sveitarfélagsins til að fjármagna starf verkefnisstjóra með framlagi sem nemur 300 kr. á hvern íbúa á ári í tvö ár (2018-2019).

Byggðarráð samþykkir að taka þátt í verkefninu á sömu forsendum og undanfarin ár með föstu fjárframlagi.

Erindið áður á dagskrá 778. fundar byggðarráðs þann 23. mars 2017. Lagður fram tölvupóstur dagsettur 11. mars 2017 varðandi styrkbeiðni frá leikfélaginu.

Byggðarráð samþykkir að styrkja Leikfélag Sauðárkróks um 325.000 kr. vegna húsnæðiskostnaðar. Fjármagnið verður tekið af málaflokki 05.

Lagt fram fundarboð dagsett 29. mars 2017 um ársfund Stapa lífeyrissjóðs, þann 3. maí 2017 í Skjólbrekku í Mývatnssveit.

Byggðarráð samþykkir að sviðsstjóri stjórnsýslu- og fjármálasviðs sæki fundinn fyrir hönd sveitarfélagsins.

Lögð fram drög að breyttum reglum um um niðurgreiðslu á daggæslu í heimahúsum og foreldragreiðslur sem samþykktar voru á 242. fundi félags- og tómstundanefndar þann 30. mars 2017 og vísað var til byggðarráðs.

Byggðarráð samþykkir framlögð drög að reglum um niðurgreiðslu á daggæslu í heimahúsum og foreldragreiðslur.

Lögð fram gjaldskrá vegna niðurgreiðslu á daggæslu í heimahúsum og foreldragreiðslur sem samþykkt voru á 242. fundi félags- og tómstundanefndar þann 30. mars 2017 og vísað var til byggðarráðs.

Byggðarráð samþykkir með tveimur atkvæðum að hækka gjaldskrá vegna niðurgreiðslu á daggæslu í heimahúsum um 20% og bæta við sérstökum foreldragreiðslum ef foreldrum stendur hvorki til boða pláss hjá dagforeldri né í leikskóla. Einnig mun byggðarráð tryggja dagforeldri niðurgreiðslu sem svarar þremur börnum í 11 mánuði á ári.

Bjarni Jónsson (VG) óskar bókað að hann sitji hjá við afgreiðslu málsins.

Lögð fram drög að endurnýjuðum samningi milli Flugu ehf. og Sveitarfélagsins Skagafjarðar um afnot og stuðning sveitarfélagsins við rekstur Reiðhallarinnar Svaðastaða á Sauðárkróki. Samningstími er 1. janúar 2017 - 31. desember 2021. Árleg samningsgreiðsla er 6.600.000 kr. sem felur m.a. í sér afnot af reiðhöllinni fyrir barna- og unglingastarf auk starfsemi Iðju.

Byggðarráð samþykkir framlagðan samning við Flugu ehf.

Lögð fram til kynningar skýrsla Flugklasans Air 66N vegna ársins 2016.

Lögð fram til kynningar fundargerð 32. fundar stjórnar Samtaka sjávarútvegssveitarfélaga frá 30. mars 2017.