Byggðarráð Svf. Skagafjarðar

Lagt fram bréf dagsett 7. mars 2016 frá sýslumanninum á Norðurlandi vestra þar sem óskað er umsagnar um umsókn Gunnars Rögnvaldssonar um endurnýjun á rekstrarleyfi fyrir Löngumýrarskóla, kt. 640169-0369, Löngumýri, 560 Varmahlíð. Fastanúmer fasteignar er 214-0580. Gististaður flokkur III og veitingastaður flokkur I. 27 manns í gistingu og 145 í sal. Forsvarsmaður Gunnar Rögnvaldsson.
Byggðarráð gerir ekki athugasemdir við umsóknina.

Lagt fram bréf dagsett 26. febrúar 2016 frá Guðmundi Rúnari Guðmundssyni, kt. 180779-4859, þar sem hann óskar eftir að taka á leigu landskika, lóð nr. 40 á Nöfum.
Byggðarráð samþykkir að synja umsókninni en bendir bréfritara á að sækja um að nýju þegar lóðin verður auglýst til leigu.

Lagður fram tölvupóstur frá Sambandi íslenskra sveitarfélaga, dagsettur 4. mars 2016 varðandi námsferð fyrir sveitarstjórnarmenn til Svíþjóðar 29. ágúst til 1. september 2016, til að kynna sér íbúalýðræði í sænskum sveitarfélögum.

Í samningi um sameiginlegt þjónustusvæði á Norðurlandi vestra um þjónustu við fatlað fólk sem undirritaður var 29. janúar 2016 er gert ráð fyrir því í grein 11.7 að samningsaðilar ákveði sameiginlega fyrir 1. september 2016 hvort stefna skuli að endurnýjun samningsins. Skipa skuli nefnd sem kemur með tillögu til aðildarsveitarafélaganna um samstarf frá 1. janúar 2017. Í nefndinni eiga sæti einn fulltrúi hvers aðildarsveitarfélags.
Byggðarráð samþykkir að Sigríður Svavarsdóttir verði fulltrúi Sveitarfélagsins Skagafjarðar í nefndinni. Gréta Sjöfn Guðmundsdóttir vék af fundi við afgreiðslu þessa máls.

Í samningi um sameiginlegt þjónustusvæði á Norðurlandi vestra um þjónustu við fatlað fólk sem undirritaður var 29. janúar 2016 er gert ráð fyrir því í grein 3.2 að samningsaðilar myndi sérstakt þjónusturáð sem er vettvangur samhæfingar og samráðs vegna þjónustu innan svæðisins. Í ráðinu eiga sæti einn fulltrúi hvers aðildarsveitarfélags.
Byggðarráð samþykkir að Bjarki Tryggvason verði fulltrúi Sveitarfélagsins Skagafjarðar í nefndinni. Gréta Sjöfn Guðmundsdóttir vék af fundi við afgreiðslu þessa máls.

Sjá trúnaðarbók.

Lagður fram tölvupóstur dagsettur 2. mars 2016 frá Sambandi íslenskra sveitarfélaga þar sem boðað er til XXX. landsþings sambandsins 8. apríl 2016. Landsþingið verður haldið á Grand hóteli í Reykjavík.
Kjörnir aðalfulltrúar Sveitarfélagsins Skagafjarðar eru Stefán Vagn Stefánsson, Sigríður Svavarsdóttir og Bjarni Jónsson. Varafulltrúar eru Viggó Jónsson, Gunnsteinn Björnsson og Gréta Sjöfn Guðmundsdóttir.

Lagt fram bréf dagsett 29. febrúar 2016 frá júdódeild Ungmennafélagsins Tindastóls varðandi sölu gamla barnaskólans við Freyjugötu og æfingaaðstöðu deildarinnar í íþróttasal skólans.
Byggðarráð þakkar fyrir erindið og tekur undir að mikilvægt sé að áframhald verði á því góða starfi sem júdódeildin heldur úti. Byggðarráð mun upplýsa deildina frekar þegar línur eru farnar að skýrast með sölu fasteignarinnar.

Lögð fram til kynningar fundargerð stjórnar Samtaka sveitarfélaga á köldum svæðum frá 19. febrúar 2016.