Byggðarráð Svf. Skagafjarðar

Lagt fram erindi frá Kiwanisklúbbnum Drangey þar sem óskað er eftir fimm ára fjárhagslegum stuðningi við forvarnarverkefni klúbbsins og Heilbrigðisstofnunar Norðurlands á Sauðárkróki. Ólafur Jónsson fulltrúi klúbbsins kom á fundinn undir þessum dagskrárlið.

Byggðarráð samþykkir að veita kr. 200.000 á ári til verkefnisins næstu fimm ár. Byggðarráð felur sveitarstjóra að ganga frá samningi við Kiwanisklúbbinn.

Lagður fram ársreikningur Sveitarfélagsins Skagafjarðar og stofnana fyrir árið 2014. Kristján Jónasson lögg.endurkoðandi hjá KPMG hf., fór yfir og kynnti reikninginn. Ársreikningnum visað til fyrri umræðu í sveitarstjórn.

Lögð fram tillaga um viðauka nr. 5 við fjárhagsáætlun 2015. Lagt er til að fjárfestingaliður eignasjóðs hækki um átta milljónir króna og hækkuninni mætt með lækkun á handbæru fé. Byggðarráð samþykkir framangreindan viðauka.

Lagt fram erindi frá Þórdísi Friðbjörnsdóttur, héraðsbókaverði, varðandi ósk um að gerðar verði lagfæringar á sal Héraðsbókasafns Skagfirðinga í tengslum við þær framkvæmdir sem nú standa yfir við Safnahúsið. Kostnaðaráætlun gerir ráð fyrir að lagfæringarnar kosti átta milljónir króna.
Byggðarráð samþykkir framangreint erindi.

Lögð fram tillaga um breytingu á 47. grein samþykkta Sveitarfélagsins Skagafjarðar, liður 4. Skipulags- og byggingarsvið.

Lögð er til eftirfarandi tillaga,
4.1. Skipulags- og byggingarnefnd:
Sveitarstjórn kýs þrjá aðalmenn og jafnmarga til vara. Byggingafulltrúi veitir byggingaleyfi í samræmi við 9.gr. mannvirkjalaga nr. 160/2010 og framkvæmdaleyfi í samræmi við 13.grein skipulagslaga nr. 123/2010. Telji byggingarfulltrúi að erindi sé bersýnilega í ósamræmi við skipulagsáætlandir, skipulagsskilmála og/eða byggingareglugerð eða óvissu ríkja um hvort uppfyllt sé ákvæði laga, reglugerða og samþykkta, skal hann vísa málinu til afgreiðlsu skipulags- og bygginganefndar, sem fjallar þá um byggingaáformin í samræmi við 11.grein mannvirkjalaga nr. 160/2010. Skipulags- og byggingarnefnd annast störf sem 6. gr. skipulagslaga nr. 123/2010 kveður á um. Einnig skipulag hafnarsvæða að tillögu umhverfis- og samgöngunefndar og umferðarmál samkvæmt umferðarlögum nr. 50/1987. Auk ofangreindra verkefna getur sveitarstjórn falið nefndinni ýmis verkefni með erindisbréfum.

Byggðarráð samþykkir tillöguna fyrir sitt leyti og vísar tillögunni til fyrri umræðu í sveitarstjórn.

Lagt fram til kynningar yfirlit frá Brussel-skrifsstofu Sambands íslenskra sveitarfélaga.

Lagt fram til kynningar bréf frá ráðgjafafyrirtækinu Ráðrík ehf.

Fundargerð stjórnar SSNV frá 31. mars 2015 lögð fram til kynningar á 693. fundi byggðarráðs 16. apríl 2015