Byggðarráð Svf. Skagafjarðar

Lagt fram bréf dagsett 28. apríl 2014, þar sem boðað er til aðalfundar Landskerfis bókasafna, þriðjudaginn 13. maí n.k. í Reykjavík.

Lagt fram bréf frá Barnavendarstofu, dagsett 25. arpíl 2014. Erindið varðar beiðni til veitu- og framkvæmdasviðs um að annast undirbúning og framkvæmdir vegna breytinga á húsnæði Háholts. Barnaverndarstofa mun bera kostnað við breytingarnar.
Byggðarráð samþykkir fyrir hönd eignasjóðs að farið verði í þessar breytingar á húsnæði Háholts.

Málið áður á dagskrá 656. fundi byggðarráðs. Lögð fram eftirfarandi umsögn atvinnu-, menningar- og kynningarnefndar sem bókuð var á 7. fundi nefndarinnar: "Tekin fyrir umsagnarbeiðni byggðarráðs um flutning og endurgerð á gamla íbúðarhúsinu að Hraunum í Fljótum. Með tilvísun í forstöðumann Byggðasafns Skagfirðinga telur nefndin ekki rétt að þiggja húsið til varðveislu þar sem sveitarfélagið á nú þegar hús sömu gerðar, þ.e. Áshúsið í Glaumbæ, enda væri verulega kostnaðarsamt að flytja og endurbyggja húsið á nýjum stað."
Byggðarráð tekur undir bókun atvinnu-, menningar- og kynningarnefndar og miðað við fyrirliggjandi forsendur sér ráðið sér ekki fært að taka við húsinu.

Lagt fram til kynningar bréf dagsett 25. apríl 2014 frá Bændasamtökum Íslands varðandi ályktun búnaðarþings 2014 um landbúnaðarháskóla á Íslandi.

Lagt fram til kynningar afrit af bréfi dagsettu 5. maí 2014 frá Fræðsluþjónustu Skagfirðinga og Fræðsluskrifstofu Austur-Húnavatnssýslu til Kristjáns Júlíussonar, heilbrigðisráðherra, varðandi óvissu um framhald geðheilbrigðisþjónustu fyrir börn og unglinga á Sjúkrahúsinu á Akureyri.
Byggðarráð tekur undir það sem fram kemur í ofangreindu bréfi og hefur þungar áhyggjur af óvissu um framhaldið og skorar á ráðherra að tryggja þjónustuna.

Lagt fram til kynningar bréf frá innanríkisráðuneytinu dagsett 28. apríl 2014 varðandi skil á upplýsingum um ársuppgjör sveitarfélaga árið 2014.

Lagðar fram til kynningar upplýsingar úr rekstri sveitarfélagsins fyrir tímabilið janúar-mars 2014.