Byggðarráð Svf. Skagafjarðar

390. fundur 15. maí 2007

Byggðarráð Skagafjarðar
Fundur 390 - 15. maí 2007

Ár 2007, þriðjudaginn 15. maí kl. 09:00, kom Byggðarráð Skagafjarðar saman til fundar í Ráðhúsinu á Sauðárkróki.

Fundinn sátu:
Bjarni Egilsson, Gunnar Bragi Sveinsson, Gréta Sjöfn Guðmundsdóttir og Gísli Árnason áheyrnarfulltrúi.
Auk þess sat fundinn Guðmundur Guðlaugsson sveitarstjóri.

Fundarritari var Margeir Friðriksson

Formaður setti fund og bauð fundarmenn velkomna.

Erindi til afgreiðslu

1.	Veiðifélag Laxár, Skefilsstaðahreppi - Aðalfundarboð 2007	Mál nr. SV070268

Lagt fram aðalfundarboð Veiðifélags Laxár í Skefilsstaðahreppi. Fundarstaður Félagsheimilið Ljósheimar, 20. maí 2007 kl. 14.
Byggðarráð samþykkir að fela sveitarstjóra og formanni landbúnaðarnefndar að tilnefna fulltrúa á fundinn.



2.	Skólahreysti - beiðni um styrk	Mál nr. SV070269

Lagt fram bréf frá Icefitness ehf, þar sem óskað er eftir styrk að upphæð kr. 50.000 til að standa straum af verkefninu Skólahreysti 2007.
Byggðarráð samþykkir vísa erindinu til fræðslunefndar.



3.	Öldustígur 13 - umsögn v.gistingar	Mál nr. SV070271

Lagt fram erindi frá sýslumanninum á Sauðárkróki, þar sem óskað er eftir umsögn um umsókn Kristínar S. Ögmundsdóttur um að reka gistingu á einkaheimili á efri hæð fasteignarinnar að Öldustíg 13, Sauðárkróki.
Byggðarráð gerir ekki athugasemdir við umsóknina.



4.	Ópera Skagafjarðar	Mál nr. SV070273

Lagt fram erindi frá Óperu Skagafjarðar þar sem óskað er eftir afslætti af húsaleigu í Íþróttahúsinu í Varmahlíð.
Byggðarráð tekjur jákvætt í erindið og óskar eftir umsögn menningar- og kynningarnefndar.



5.	Sölvanes, umsögn vegna gistiþjónustu	Mál nr. SV070274

Lagt fram erindi frá sýslumanninum á Sauðárkróki, þar sem óskað er umsagnar um umsókn Magnúsar Óskarssonar um endurnýjun á leyfi til að reka gistiþjónustu á einkaheimili sínu og eldra húsi á jörðinni Sölvanesi.
Byggðarráð gerir ekki athugasemdir við umsóknina.

Lagt fram til kynningar

6.	Upplýsingar um rekstur - jan-mars 2007	Mál nr. SV070272

Lagðar fram til kynningar rekstrarupplýsingar fyrstu þrjá mánuði ársins fyrir sveitarfélagið og stofnanir.



7.	Þrastarstaðir - skiptayfirlýsing	Mál nr. SV070270

Lögð fram til kynningar skiptayfirlýsing á jörðinni Þrastarstöðum, landnúmer 146605.

Fleira ekki fyrir tekið, fundargerð upplesin og samþykkt.

Fundi slitið kl. 10:08
Margeir Friðriksson, ritari fundargerðar