Byggðarráð Svf. Skagafjarðar

374. fundur 09. janúar 2007

Byggðarráð Skagafjarðar
Fundur 374 - 9. janúar 2007

Ár 2007, þriðjudaginn 9. janúar kl. 09:00, kom Byggðarráð Skagafjarðar saman til fundar í Ráðhúsinu á Sauðárkróki.

Fundinn sátu:
Bjarni Egilsson, Gunnar Bragi Sveinsson, Gréta Sjöfn Guðmundsdóttir og Gísli Árnason áheyrnarfulltrúi.
Auk þess sátu fundinn Margeir Friðriksson og Guðmundur Guðlaugsson sveitarstjóri.

Fundarritari var Margeir Friðriksson.

Formaður setti fund og bauð fundarmenn velkomna.

Erindi til afgreiðslu

1.	Fræðibók um dyslexíu	Mál nr. SV070001

Lagt fram bréf dagsett 21. júní 2006 frá Þóru Björk Jónsdóttur þar sem óskað er eftir styrk vegna útgáfu fræðibókar um dyslexíu.
Byggðarráð samþykkir að vísa erindinu til umsagnar fræðslunefndar.



2.	Samgönguáætlun 2007-10, kafli 3 tillaga	Mál nr. SV070003

Lögð fram til umsagnar samgönguáætlun 2007-2010, kafli 3, siglingamál, sem snýr að Sveitarfélaginu Skagafirði.
Byggðarráð samþykkir að óska eftir því að bygging skjólgarðs frá Strandvegi, Suðurgarður, verði frestað til ársins 2008. Byggðarráð samþykkir vísa erindinu að öðru leyti til umhverfis- og samgöngunefndar.



3.	Skagf.braut 9A - umsókn um niðurfellingu sorpurðunargjalds	Mál nr. SV070006

Lagt fram bréf frá Sálarrannsóknarfélagi Skagafjarðar, dagsett 29. desember 2006, þar sem sótt er um niðurfellingu á sérstöku sorpurðunargjaldi fyrir árið 2006.
Byggðarráð sér sér ekki fært að fella niður álagninguna.



4.	061219 Umhverfis- og samgöngunefnd 8	Mál nr. SV070007

Erindi vísað frá umhverfis- og samgöngunefnd frá 19. desember 2006 varðandi samninga við ÓK gámaþjónustu vegna sorphreinsunar og -urðunar.
Byggðarráð samþykkir framlagða samninga.

Lagt fram

5.	Sögusetur ísl. hestsins ses	Mál nr. SV070011

Sigríður Sigurðardóttir forstöðumaður Fræðaseturs, kom á fundinn til viðræðu um stofnun sjálfseignarstofnunar um Sögusetur íslenska hestsins.
Byggðarráð samþykkir að vísa stofnsamningi um Sögusetur íslenska hestsins ses. til menningar- og kynningarnefndar.

Erindi til afgreiðslu

6.	Fasteignagjaldaálagning 2007	Mál nr. SV070012

Lagt fram minnisblað frá fjármálastjóra dagsett 5. janúar 2007 varðandi álagningu fasteignagjalda 2007.
Byggðarráð frestar afgreiðslu málsins og felur sveitarstjóra og fjármálastjóra að koma með tillögur á næsta fund byggðarráðs.



7.	Vínv.leyfi - umsókn Videosports v.Mælifells	Mál nr. SV070014

Lögð fram umsókn frá Vídeósporti ehf. um vínveitingaleyfi í Mælifelli, Aðalgötu 7, Sauðárkróki fyrir tímabilið 28.10. 2006 til 27.10. 2008. Jákvæðar umsagnir hafa borist frá umsagnaraðilum.
Byggðarráð samþykkir að veita Mælifelli vínveitingaleyfi framangreint tímabil.



8.	Túngata 4 - fyrirhuguð sala Málefni eignasjóðs	Mál nr. SV070009

Bréf frá stjórn Umf. Neista á Hofsósi, dagsett 3. janúar 2007, þar sem skýrt er frá fyrirhugaðri sölu á fasteigninni Túngötu 4 á Hofsósi, en sveitarfélagið á forkaupsrétt á fasteigninni.
Byggðarráðs samþykkir að nýta ekki forkaupsrétt sveitarfélagsins.



9.	Húseignir við Lækjarbakka, Steinst.hverfi Málefni eignasjóðs	Mál nr. SV070020

Lagt fram bréf frá Ferðaþjónustunni Steinsstöðum, dagsett 7. janúar 2007, þar sem gert er tilboð í fasteignir sveitarfélagsins nr. 3, 5 og 7 við Lækjarbakka í Steinsstaðahverfi.
Byggðarráð felur sviðsstjóra eignasjóðs og sveitarstjóra að skoða málið nánar.

Lagt fram til kynningar

10.	Galtarárskáli - stækkun	Mál nr. FS060001

Lagðar fram til kynningar sundurliðaðar upplýsingar um viðhald og viðbætur á Galtarárskála. Áður á dagskrá 15. ágúst 2006.



11.	ÓK gámaþjónusta ehf. - söfnunarstöð	Mál nr. SV070005

Lagður fram til kynningar samningur á milli sveitarfélagsins og ÓK gámaþjónustu um móttöku og flokkun sorps og spilliefna, sem berst frá einstaklingum og fyrirtækjum í sveitarfélaginu.



12.	Ljótsstaðir - tilk. um sölu	Mál nr. SV070002

Lögð fram til kynningar tilkynning dagsett 18. desember 2006, frá embætti sýslumannsins á Sauðárkróki um sölu á jörðinni Ljótsstöðum landnr. 146555 og fastanr. 225-7523. Seljendur eru Jónhallur Björgvin Benediktsson og Viggó Sigursteinsson. Kaupandi er Gylfi Ómar Héðinsson.



13.	Ásgeirsbrekka - tilk. um sölu	Mál nr. SV070010

Lögð fram til kynningar tilkynning frá sýslumanninum á Sauðárkróki, dagsett 4. janúar 2007 um sölu á jörðinni Ásgeirsbrekku, landnr. 146402. Seljendur eru Bjarni P. Maronsson og Jórunn Árnadóttir. Kaupendur eru Arna Björg Bjarnadóttir og Halldór Magnússon.



14.	Reglugerð um stjórnsýsluumdæmi sýslumanna	Mál nr. SV070004

Lagt fram til kynningar bréf frá dóms- og kirkjumálaráðuneytinu dagsett 27. desember 2006 þar sem óskað er eftir umfjöllun og umsögn um drög að nýrri reglugerð um stjórnsýsluumdæmi sýslumanna og lögregluumdæmi lögreglustjóra. Óskað er góðfúslega eftir að umsögnin berist ráðuneytinu í síðasta lagi 4. janúar 2007 að öðrum kosti er litið svo á að þær séu engar.
Byggðarráð gerir ekki aðrar athugasemdir en þá að tímafrestur til umsagnar var of naumur til að hægt væri að afgreiða málið.

Fleira ekki fyrir tekið, fundargerð upplesin og samþykkt.

Fundi slitið kl. 10:52
Margeir Friðriksson, ritari fundargerðar