Byggðarráð Svf. Skagafjarðar

Lagt fram bréf frá Kristjáni Jónssyni formanni Jónsmessuhátíðarnefndar á Hofsósi, þar sem hann óskar eftir styrk frá sveitarfélaginu vegna kostnaðar við hátíðina. Samþykkt að veita kr.300.000,- líkt og undanfarin ár, af lið 21890.

Lagður fram tölvupóstur frá HS Orku ehf, þar sem fyrirtækið lýsir áhuga sínum á gera sveitarfélaginu tilboð í raforkukaup þess. Byggðarráð tekur vel í erindið og felur sveitarstjóra að vera í sambandi við HS Orku um málið, jafnframt óskar byggðarráð eftir því að sveitarstjóri geri verðsamanburð við aðra orkusala.

Lagður fram tölvupóstur frá Veðurstofu Íslands um ábendingar til rekstraraðila skíðasvæða um þörf á gerð áætlana um eftirlit, viðbúnað og aðgerðir vegna snjóflóðahættu á skíðasvæðum. Vinnu við hættumati í Tindastóli er ekki lokið, en unnið er að því að koma út drögum að skýrslu í sumar. Ekki er mikil snjóflóðahætta við lyftur á svæðinu en sitt hvoru megin eru snjóflóðafarvegir sem þarf að hafa eftirlit með.

Lagt fram bréf frá sýslumanninum á Sauðárkróki, þar sem óskað er umsagnar um umsókn Kristínar Ólafsdóttur um endurnýjun á rekstrarleyfi fyrir Keldudal, Leifshús, 551 Sauðárkrókur. Sumarhús - gististaður flokkur III.

Byggðarráð gerir ekki athugasemdir við umsóknina.

Lagðar fram til kynningar upplýsingar um rekstur sveitarfélagsins og stofnana fyrir tímabilið janúar-apríl 2012. Einnig yfirlit yfir skatttekjur og launakostnað fyrir tímabilið janúar-maí 2012.

Lögð fram til kynningar tilkynning frá sýslumanninum á Sauðárkróki um aðilaskipti á jörðinni Glaumbæ II, landnúmer 146034. Seljendur eru Arnór Gunnarsson og Ragnheiður Sövik. Kaupendur eru Þorbergur Gíslason og Birna Valdimarsdóttir.

Lagt fram til kynningar, afrit af áskorun stjórnar Eyvindastaðarheiðar ehf. til Upprekstrarfélags Eyvindastaðaheiðar ehf., um greiðslu á gjaldföllnum afborgunum skuldabréfs.

Lagt fram bréf frá Knattspyrnudeild Tindastóls vegna beiðni um aðstoð vegna tjaldsvæða við mótshald 2012. Byggðarráðs samþykkir að leggja til snyrtiaðstöðu á tjaldsvæðum í tengslum við Landsbankamót og Króksmót.