Byggðarráð Svf. Skagafjarðar

Erindi frá Sérfræðingunum ses., þar sem sveitarfélaginu er boðið að gerast stofnfjáraðili að félaginu með því að greiða framlag sem nemur 50 krónum pr. íbúa sveitarfélagsins. Markmið félagsins er að koma af stað starfsemi á Íslandi til að nálgast einstaklinga á einhverfurófinu, greina styrkleika þeirra og síðan kenna þeim og þjálfa til virkrar atvinnuþátttöku. Erindið var sent til félags- og tómstundanefndar til umsagnar og bókar hún eftirfarandi á 171. fundi sínum:

"Nefndin telur að hér sé um gott málefni að ræða en í ljósi fjárhagsramma nefndarinnar telur nefndin ekki svigrúm til að forgangsraða þessu verkefni með þeim hætti sem hér er sótt um."

Byggðarráð sér sér ekki fært að verða við erindinu.

Lagður fram tölvupóstur frá forsvarsmönnum Ferðaþjónustunnar Steinsstöðum þar sem þau óska eftir framlengingu á núgildandi samningi um leigu á sundlauginni á Steinsstöðum, um eitt ár.

Byggðarráð samþykkir að framlengja núverandi samning um eitt ár, til 15. maí 2012 og felur sveitarstjóra að ganga frá málinu.

Niðurstaða ráðgjafahóps um hagræðingu hjá sveitarfélaginu rædd að beiðni Sigurjóns Þórðarsonar.

Lagt fram fundarboð um ársfund Stapa - lífeyrissjóðs, fimmtudaginn 12. maí 2011 í Skjólbrekku, Mývatnssveit.

Byggðarráð samþykkir að fulltrúi sveitarfélagsins á fundinum verði Bjarki Tryggvason.

Stefán Vagn Stefánsson kynnti stöðu mála varðandi nýframkvæmdir við Árskóla og endurbætur á eldra húsnæði.

Lögð fram til kynningar ályktun frá 15. sambandsþingi Íþróttasambands fatlaðra.

Lagt fram til kynningar bréf frá sýslumanninum á Sauðárkróki, þar sem tilkynnt er um aðilaskipti að landi, jörðinni Vestari-Hóli landnúmer 146916. Seljandi er Sigmundur Jónsson. Kaupendur eru Bryndís Héðinsdóttir og Sigmundur Magnússon.