Byggðarráð Skagafjarðar

Lögð fram umsókn dagsett 23. janúar 2023 frá Húsfélaginu Víðigrund 5 um styrk til greiðslu fasteignaskatts 2023 af fasteigninni Víðigrund 5, Sauðárkróki, F2132365.
Byggðarráð samþykkir að fella niður fasteignaskatt af framangreindri fasteign um 30% samkvæmt reglum sveitarfélagsins um styrki til greiðslu fasteignaskatts til félaga og félagasamtaka skv. 2. mgr. 5. gr. laga um tekjustofna sveitarfélaga nr. 4/1995.

Lögð fram umsókn dagsett 24. janúar 2023 frá Frímúrarastúkunni Mælifelli um styrk til greiðslu fasteignaskatts 2023 af fasteigninni Borgarmýri 1A, Sauðárkróki, F2256680.
Byggðarráð samþykkir að fella niður fasteignaskatt af framangreindri fasteign um 30% samkvæmt reglum sveitarfélagsins um styrki til greiðslu fasteignaskatts til félaga og félagasamtaka skv. 2. mgr. 5. gr. laga um tekjustofna sveitarfélaga nr. 4/1995.

Lagður fram tölvupóstur dagsettur 12. desember 2022 frá Ólöfu Ýrr Atladóttur, forsvarsmanni Sótahnjúks ehf. Óskar hún eftir áframhaldandi viðræðum við sveitarfélagið um mögulegar byggingarframkvæmdir félagsins í landi Sólgarða í Fljótum.
Byggðarráð samþykkir að óska eftir áliti skipulagsnefndar á framkomnum hugmyndum með tilliti til nýtingar og uppbyggingar svæðisins.

Erindinu vísað til byggðarráðs frá 8. fundi atvinnu-, menningar- og kynningarnefndar þann 24. janúar 2023. Lagt fram bréf dagsett 18. janúar 2023 frá forsvarsmanni Króksbíós ehf. þar sem óskað er eftir fundi með atvinnu-, menningar- og kynningarnefnd sveitarfélagsins vegna seinkunar á framkvæmdum við Bifröst og fjárhagslegs tjóns sem fyritækið hefur orðið fyrir vegna þessa.
Byggðarráð samþykkir að fela sveitarstjóra að boða forsvarsmann fyrirtækisins á fund ráðsins.

Lögð fram umsagnarbeiðni dagsett 27. janúar 2023 úr máli 2023-004618 hjá sýslumannsembættinu á Norðurlandi vestra með vísan til 4. mgr. 10. gr. laga nr. 85/2007 um veitingastaði, gististaði og skemmtanahald og 26. og 27. gr. reglugerðar nr. 1277/2016. Magnús Sigmundsson sækir fyrir Hestasport - Ævintýraferðir ehf., kt. 500594-2769 um leyfi til reksturs gististaðar í flokki G, Íbúð, að Skólavegi 1, 560 Varmahlíð, F214-0829. Hámarksfjöldi gesta 6.
Byggðarráð gerir ekki athugasemd við umsóknina.

Lagður fram til kynningar tölvupóstur dagsettur 26. janúar 2023 þar sem umhverfis-, orku- og loftslagsráðuneytið kynnir til samráðs mál nr. 20/2023, "Neyðarbirgðir eldsneytis". Umsagnarfrestur er til og með 09.02.2023.

Lagt fram til kynningar bréf til allra sveitarfélaga frá Sambandi íslenskra sveitarfélaga, dagsett 26. janúar 2023, varðandi boðun XXXVIII. landsþings sambandsins þann 31. mars 2023 í Reykjavík.

Lagður fram til kynningar ársreikningur Skagfirskra leiguíbúða hses. fyrir árið 2021.