Byggðarráð Skagafjarðar

Málið áður á dagskrá 15. fundar byggðarráðs þann 28. september. Lagt fram bréf dagsett 19. september 2022 frá Björgunarbátasjóði Norðurlands varðandi ósk um fjárhagsstuðning við kaup á nýju björgunarskipi. Kolbeinn Óttarsson Proppé og Gísli Ingimundarson mættu á fundinn fyrir hönd Björgunarbátasjóðs Norðurlands og kynntu verkefnið.

Lagður fram tölvupóstur dagsettur 30. september 2022 frá Árna Gunnarssyni f.v. stjórnarformanni Flugu ehf., varðandi kostnað sem félagið stofnaði til við Tjarnarbæ og reiðhöllina Svaðastaði að fjárhæð 570.000 kr. m. vsk.
Byggðarráð samþykkir að greiða reikning frá Flugu ehf. vegna þessa verks sem unnið var meðal annars á lóð sveitarfélagsins. Byggðarráð minnir á mikilvægi þess að ekki sé stofnað til útgjalda án fyrirliggjandi heimilda.

Lögð fram samþykkt um byggðamerki sveitarfélagsins Skagafjarðar.
Byggðarráð staðfestir samþykktina og samþykkir að vísa samþykktinni til afgreiðslu sveitarstjórnar.

Lagður fram til kynningar tölvupóstur dagsettur 4. október 2022 þar sem matvælaráðuneytið kynnir til samráðs mál nr. 184/2022, "Áform um frumvarp til laga um breytingu á lögum um stjórn fiskveiða (afnám tegundatilfærslu í deilistofnum botnfisks, gullkarfa og grálúðu)". Umsagnarfrestur er til og með 19.10.2022.