Byggðarráð Skagafjarðar

Karítas Björnsdóttir verkefnastjóri FabLab Sauðárkróki, Gunnsteinn Björnsson stjórnarformaður Hátækniseturs Íslands ses og Ingileif Oddsdóttir skólameistari Fjölbrautaskóla Norðurlands vestra komu á fund byggðarráðs til viðræðu um starfsemi og framtíð FabLab Sauðárkróki.

Lögð fram greinargerð ásamt tillögum útgáfustjórnar Byggðasögu Skagafjarðar til stofnaðila ritverksins, dagsett 15. ágúst 2022.
Byggðarráð samþykkir að fela sveitarstjóra að óska eftir því að útgáfustjórn komi á fund ráðsins til viðræðu.

Lagður fram til kynningar tölvupóstur dagsettur 23. ágúst 2022 til sveitarfélaga og samtaka þeirra frá skrifstofu landgæða hjá umhverfis-, orku- og loftslagsráðuneytinu. Starfshópur til að skoða og gera tillögur til umhverfis-, orku- og loftslagsráðuneytisins um nýtingu vindorku hefur tekið til starfa. Er sveitarfélögum sem viðtakendum þessa bréfs því boðið að senda sjónarmið sín um ofangreind atriði til starfshópsins í netfangið vindorka@urn.is. Einnig er gert ráð fyrir því að starfshópurinn fundi með hagaðilum síðar á þessu ári þar sem um gagnkvæmari samskipti verði að ræða. Þess er óskað að sjónarmið verði send skriflega í ofangreint netfang fyrir 30. september n.k.
Byggðarráð samþykkir að óska eftir afstöðu skipulagsnefndar til málsins.

Sjá trúnaðarbók.

Lagðar fram fjárhagsupplýsingar vegna reksturs sveitarfélagsins tímabilið janúar-júní 2022.

Lagt fram til kynningar minnisblað Sigurðar Á. Snævarr sviðsstjóra hag- og upplýsingasviðs hjá Sambandi íslenskra sveitarfélaga, dagsett 23. ágúst 2022, varðandi forsendur fjárhagsáætlana 2023-2026.