Atvinnu- og ferðamálanefnd

Atvinnu- og ferðamálanefnd Skagafjarðar

 

            Föstudaginn 22.jan. 1999 kom atvinnu- og ferðamálanefnd saman til fundar kl. 9.00 á Skrifstofu Skagafjarðar.

            Mættir til fundar: Stefán Guðmundsson, Pétur Valdimarsson, Sveinn Árnason, Brynjar Pálsson og Orri Hlöðversson.

 

Dagskrá:

1. Viðræður við eigendur Höfða hf.
2. Viðræður við Rækjunes – Sigurjón Jónsson.
3. Atvinnumál.

 

Afgreiðslur:

1. Á fundinn komu forsvarsmenn Höfða hf. á Hofsósi, þeir Árni Egilsson og Magnús Andrésson.  Gerðu þeir nefndarmönnum grein fyrir stöðu og horfum hjá fyrirtækinu.

2. Á fundinn kom Sigurjón Jónsson forsvarsmaður Rækuness.  Gerði hann grein fyrir hugmyndum sínum um möguleika á skelvinnslu á Hofsósi í samvinnu við heimaaðila.

3. a)  Orri Hlöðversson fór yfir atvinnumál, þó sérstaklega mál er varða samskipti og viðræður er atvinnu- og ferðamálanefnd hefur átt við iðnaðarframleiðendur sem kynnt hafa framleiðslu sína fyrir nefndinni og Orra Hlöðverssyni. 

b)  Formaður las upp og kynnti tvö bréf frá Hrossaræktarsambandi Skagfirðinga og Jóni Garðarssyni í Neðra-Ási.  Samþykkt að óska eftir viðræðum við hestamannafélögin um erindið.

 

Fleira ekki gert.  Fundi slitið.

 

Stefán Guðmundsson                                                            Elsa Jónsdóttir, ritari

Brynjar Pálsson                                                                      Orri Hlöðversson

Pétur Valdimarsson

Sveinn Árnason