Atvinnu- og ferðamálanefnd

Farið yfir tilboð sem borist hafa í rekstur tjaldstæða í Skagafirði.

Nefndin felur sviðsstjóra að ganga til samninga við Hildi Þóru Magnúsdóttur og Halldór Brynjar Gunnlaugsson um rekstur tjaldstæðanna í Varmahlíð, á Sauðárkróki og á Hofsósi til fimm ára.

Sviðsstjóri kynnti stöðu mála varðandi undirbúning Landsmóts hestamanna sem fram fer á Vindheimamelum í sumar.

Lagðar fram til kynningar upplýsingar um sjóð til styrktar atvinnusköpun í sjávarbyggðum frá Nýsköpunarmiðstöð Íslands.

Sviðsstjóri lagði fram drög að samningi við Kaupfélag Skagfirðinga um rekstur á upplýsingamiðstöð í húsnæði KS. Ólafur Sigmarsson frá KS kom til fundarins og ræddi mögulegar útfærslur á upplýsingamiðstöð í KS Varmahlíð.

Sviðsstjóra falið að leggja drög að samningi fyrir næsta fund nefndarinnar til staðfestingar.

Lagt fram erindi frá handverksfélaginu Alþýðulist þar sem félagið óskar eftir aðstoð við rekstur handverkshúss í Varmahlíð í núverandi húsnæði upplýsingamiðstöðvarinnar, í ljósi fyrirhugaðra breytinga á rekstri hennar.

Nefndin tekur vel í að styrkja rekstur handverkshúss í Varmahlíð á komandi sumri með niðurfellingu á hluta af kostnaði við rekstur hússins. Sviðsstjóra falið að ganga til samninga við félagið um útfærslu á málinu.