Atvinnu- og ferðamálanefnd

Tekið fyrir erindi frá Sjávarútvegs- og landbúnaðarráðuneyti þar sem tilkynnt er um úthlutun byggðakvóta til Skagafjarðar og sveitarfélaginu jafnframt gefinn kostur á að koma með tillögur að sérstökum skilyrðum varðandi úthlutun.

Til fundarins komu útgerðarmenn á Hofsósi við viðræðna um nýtingu byggðakvóta fyrir Hofsós sem Sjávarútvegs- og landbúnaðarráðuneytið hefur úthlutað.

Atvinnu- og ferðamálanefnd leggur til ákveðnar breytingar á Reglugerð um úthlutun byggðakvóta til fiskiskipa á fiskveiðiárinu 2010-2011.
Nefndin leggur til við ráðuneytið að sú skylda þeirra sem fá úthlutað byggðakvóta til að landa tvöföldu því magni sem þeir fá úthlutað til vinnslu og kveðið er á um í sjöttu grein, verði felld niður.
Ennfremur leggur nefndin til að orðalagi í sömu grein verði breytt þannig að þar sé talað um að landa viðkomandi afla til vinnslu innan sama sveitarfélags. Ennfremur er lagt til að skylt verði að landa afla í því byggðarlagi/stöðum sem honum er úthlutað til innan sveitarfélagsins.

Guðrún Brynleifsdóttir kom til fundarins og fjallaði um rekstur tjaldstæða á Sauðárkróki og í Varmahlíð síðasta sumar. Guðrúnu er falið að auglýsa eftir rekstraraðilum fyrir tjaldstæðin á Sauðárkróki og í Varmahlíð með það fyrir augum að samið verði til lengri tíma. Ennfremur er Guðrúnu falið að auglýsa eftir rekstraraðila fyrir tjaldstæðið í Hofsósi á komandi sumri.

Þorkell Þorsteinsson aðstoðarskólameistari FNV kom til fundarins. Rætt um hugmyndir um námskeið og kennslu á sviði trefja og plastvinnslu í Skagafirði.

Sigfúsi falið að vinna áfram að málinu.

Áskell Heiðar kynnti samstarf sveitarfélagsins við Íslandsstofu og landssamband loðdýrabænda um kynningu á Íslandi sem ákjósanlegum kosti til uppbyggingar á minnkarækt. Verkefnið hefur nú staðið í rúmt ár og á þeim tíma hefur Skagafjörður verið kynntur sem ákjósanlegur valkostur til uppbyggingar á minnkarækt bæði fyrir dönskum og hollenskum minnkabændum.

Áskell Heiðar kynnti stöðu mála varðandi undirbúning á Landsmóti hestamanna sem haldið verður á Vindheimamelum á komandi sumri. Fulltrúar frá mótshöldurum og sveitarfélaginu hafa þegar átt fund þar sem ákveðið var að leggjast á eitt um að gera komandi landsmót eins glæsilegt og mögulegt er.