Atvinnu- og ferðamálanefnd

Sviðsstjóri lagði fram minnisblað um þá vinnu sem verið hefur í gangi varðandi koltrefjaiðnað.

Nefndin samþykkir að senda fulltrúa til þátttöku í sýningunni JEC Composities sem fram fer í París í næsta mánuði, að því gefnu að UB Koltrefjar taki þátt í kostnaði við verkefnið. Sviðsstjóra falið að ræða við stjórn UB Koltrefja og ganga frá málinu. Kostnaður við verkefnið færist af lið 13090.

Sviðsstjóri kynnti næstu skref varðandi skipulag atvinnulífssýningar, Skagafjörður, lífsins gæði og gleði 2012, sem haldin verður í íþróttahúsinu á Sauðárkróki 28. - 29. apríl nk. Einnig voru rædd drög að kostnaðaráætlun fyrir sýninguna. Haldinn verður kynningarfundur um skipulag sýningarinnar n.k. mánudag.