Atvinnu-, menningar- og kynningarnefnd Svf Skagafjarðar

Sunna Björk Atladóttir hdl mætti á fundinn til að upplýsa um stöðu mála um eignarhald félagsheimila í Skagafirði.

Tekið fyrir erindi frá Kvenfélagi Rípurhrepps vegna jólaballskemmtunar í Hegranesi 2018, frá 8. nóvember 2018, þar sem óskað er eftir styrk til að halda árlega jólaballskemmtun.
Atvinnu-, menningar- og kynningarnefnd samþykkir að veita styrk til skemmtunarinnar að upphæð 50.000 kr. sem tekin er af lið 05713 á árinu 2018.

Tekið fyrir erindi frá Kvenfélögum Seyluhrepps og Lýtingsstaðahrepps vegna jólatrésskemmtunar í Miðgarði í Varmahlíð 2018, frá 15. nóvember 2018, þar sem óskað er eftir styrk til að halda árlega jólatrésskemmtun.
Atvinnu-, menningar- og kynningarnefnd samþykkir að veita styrk til skemmtunarinnar að upphæð kr. 50.000 kr., sem tekin skal af lið 05713 á árinu 2018.

Lögð fram gjaldskrá Héraðsskjalasafns Skagfirðinga fyrir árið 2019. Gjaldskráin hækkar um 3% frá núgildandi gjaldskrá.
Atvinnu-, menningar- og kynningarnefnd samþykkir gjaldskrána og vísar henni til afgreiðslu byggðarráðs.

Lögð fram gjaldskrá Listasafns Skagfirðinga fyrir árið 2019. Gjaldskráin hækkar um 3% frá núgildandi gjaldskrá.
Atvinnu-, menningar- og kynningarnefnd samþykkir gjaldskrána og vísar henni til afgreiðslu byggðarráðs.

Atvinnu-, menningar- og kynningarnefnd samþykkir að gjaldskrá Héraðsbókasafns Skagfirðinga verði óbreytt frá árinu 2018 og vísar ákvörðuninni til afgreiðslu byggðarráðs.

Lögð fram drög að fjárhagsáætlun fyrir málaflokk 05 (menningarmál)á árinu 2019.
Atvinnu-, menningar- og kynningarnefnd samþykkir fyrirliggjandi drög og vísar þeim til byggðarráðs.

Lögð fram drög að fjárhagsáætlun fyrir málaflokk 13 (atvinnumál)á árinu 2019.
Atvinnu-, menningar- og kynningarnefnd samþykkir fyrirliggjandi drög og vísar þeim til byggðarráðs.

Í samræmi við viljayfirlýsingu um samstarf við framkvæmd á verkefninu Ræsing Skagafjörður samþykkir atvinnu-, menningar- og kynningarnefnd að auglýst verði samkeppni um viðskiptaáætlanir vegna nýsköpunar.

Kynnt var niðurstaða könnunar sem gerð var í héraðinu um áhuga og viðhorf til Lummudaga þar beðið var um hugmyndir frá íbúum um umgjörð og viðburði. Niðurstöður könnunarinnar verða kynntar forsvarsmönnum Lummudaga.

Lagt fram til kynningar bréf frá atvinnuvega- og nýsköpunarráðuneyti, dagsett 23. nóvember 2018 varðandi úthlutun byggðakvóta fiskveiðiárið 2018/2019. Sauðárkróki er úthlutað 70 þorskígildistonnum og Hofsós 15 þorskígildistonnum.
Inga Katrín Magnúsdóttir fulltrúi Vg og óháðra óskar bókað:
Nú er svo komið að næstum allur byggðakvóti hefur verið tekinn af Hofsósi án þess að sjávarútvegsráðuneytið hafi með nokkrum hætti komið til móts við þá grafalvarlegu stöðu sem upp er komin í byggðarlaginu og hættu á að sjósókn og starfsemi henni tengd leggist að mestu eða öllu leyti niður vegna skorts á veiðiheimildum. Nú er gert ráð fyrir 15 tonna byggðakvóta til Hofsóss. Þá hefur ákvörðun ráðuneytisins að leyfa aftur dragnótaveiðar sem nú hafa sótt upp í fjörur reynst mikið högg fyrir smábáta á Hofsósi og á öðrum stöðum í Skagafirði. Sú ákvörðun var tekin án samráðs við heimafólk og engu skeytt um mótmæli um vinnubrögð. Er skorað á sjávarútvegsráðuneytið að snúa þessari þróun við og auka veiðiheimildir handa bátum sem gera út frá Hofsósi.

Lagt fram til kynningar afrit af bréfi frá Byggðasafni Skagfirðinga til Safnaráðs varðandi varðveislurými að Borgarflöt 17-19.