Sauðárkrókur 218097 - Siglingaklúbburinn Drangey - Umsókn um setlaug

Fyrir liggur fyrirspurn Ingvars Páls Ingvarssonar fh Siglingaklúbbsins Drangey um heimild til að staðsetja setlaug við smábátahöfnina á Sauðárkróki samkvæmt meðfylgjandi gögnum. Erindinu vísað til umhverfis - og samgöngunefndar.

Afgreiðsla 285. fundar skipulags- og byggingarnefndar staðfest á 339. fundi sveitarstjórnar 13. april 2016 með níu atkvæðum.

Lagt var fyrir fundinn erindi frá Siglingaklúbbnum Drangey þar sem klúbburinn óskar eftir að fá að setja niður heitan pott við smábátahöfnina við Suðurgarð á Sauðárkróki.
Pottinum er ætlað það hlutverk að þjóna börnum og unglingum á siglinganámskeiðum og öðrum þeim sem heimsækja klúbbin og vilja nýta sér aðstöðu hans. Utan þess tíma sem fyrrgreind notkun kveður á um verður potturinn lokaður með palli sem settur verður yfir hann og honum tryggilega læst.
Nefndin samþykkir erindið fyrir sína hönd en leggur áherslu á að potturinn verði tryggilega læstur utan notkunartíma, gengið verði snyrtilega frá umhverfinu í kring og Siglingaklúbburinn tilgreini ábyrgðaraðila fyrir aðstöðunni.

Afgreiðsla 119. fundar umhverfis- og samgöngunefndar staðfest á 342. fundi sveitarstjórnar 25. maí 2016 með níu atkvæðum.

Lagt var fyrir fundinn erindi frá Siglingaklúbbnum Drangey þar sem klúbburinn óskar eftir að fá að setja niður heitan pott við smábátahöfnina við Suðurgarð á Sauðárkróki.
Pottinum er ætlað það hlutverk að þjóna börnum og unglingum á siglinganámskeiðum og öðrum þeim sem heimsækja klúbbinn og vilja nýta sér aðstöðu hans. Utan þess tíma sem fyrrgreind notkun kveður á um verður potturinn lokaður með palli sem settur verður yfir hann og honum tryggilega læst. Fyrir liggur að Umhverfis- og samgöngunefnd hefur samþykkt erindið. Skipulags- og byggingarnefnd samþykkir erindið og leggur áherslu á að potturinn verði tryggilega læstur utan notkunartíma, gengið verði snyrtilega frá umhverfinu í kring og Siglingaklúbburinn tilgreini ábyrgðaraðila fyrir aðstöðunni. Umrætt svæði er í deiliskipulagsmeðferð og er því aðeins um tímabundið leyfi að ræða.

Afgreiðsla 288. fundar skipulags- og byggingarnefndar staðfest á 343. fundi sveitarstjórnar 8. júní 2016 með níu atkvæðum.