Beiðni um viðræður - Glaumbæjarkirkja

Lagt fram bréf dagsett 10. apríl 2015, frá sr. Gísla Gunnarssyni og Steinunni Fjólu Ólafsdóttur formanns sóknarnefndar Glaumbæjarsóknar. Óska þau eftir viðræðum við sveitarfélagið um að gerður verði samningur við Glaumbæjarkirkju þess efnis að kirkjan fái hlutdeild í þeim fjármunum sem ferðamenn skilja eftir í Glaumbæ. Byggðarráð felur sveitarstjóra að finna fundartíma.

Afgreiðsla 694. fundar byggðaráðs staðfest á 326. fundi sveitarstjórnar 13. maí 2015 með níu atkvæðum.

Erindið áður á 694. fundi byggðarráðs þann 30. apríl 2015. Sr. Gísli Gunnarsson sóknarprestur í Glaumbæ kom til viðræðu undir þessum dagskrárlið til að ræða efni bréfs frá honum og sóknarnefnd Glaumbæjarkirkju þar sem fram kemur ósk um að kirkjan fái hlutdeild í þeim fjármunum sem ferðamenn skilja eftir i Glaumbæ.
Málinu vísað til Atvinnu- menningar- og kynningarnefndar til frekari skoðunar og umfjöllunar.

Séra Gísli Gunnarsson sóknarprestur í Glaumbæ kom til fundar við nefndina og reifaði sjónarmið kirkju og sóknarnefndar varðandi framtíð Glaumbæjarstaðar. Nefndin mun vinna að málinu áfram í samráði við hlutaðeigandi aðila.

Afgreiðsla 696. fundar byggðaráðs staðfest á 328. fundi sveitarstjórnar 24. júní 2015 með níu atkvæðum.

Afgreiðsla 20. fundar atvinnu- menningar- og kynningarnefndar staðfest á 328. fundi sveitarstjórnar 24. júní 2015 með níu atkvæðum.