Air 66N - ósk um fund og framlag

Lagt fram bréf frá Markaðsstofu Norðurlands, dagsett 25. febrúar 2015 varðandi verkefnið Flugklasinn Air 66N. Markmið klasans er að koma á beinu millilandaflugi um Akureyrarflugvöll allt árið um kring til framtíðar. Stofnaðilar voru ríflega 20 ferðaþjónustufyrirtæki og 10 sveitarfélög á Norðurlandi. Óskað er eftir aðkomu Sveitarfélagsins Skagafjarðar að þessu verkefni og framlagi sem nemur 300 kr. á hvern íbúa á ári í þrjú ár.
Byggðarráð samþykkir að óska eftir fundi með fulltrúum Markaðsskrifstofu Norðurlands til að ræða verkefnið.

Afgreiðsla 689. fundar byggðaráðs staðfest á 325. fundi sveitarstjórnar 25. mars 2015 með átta atkvæðum.

Erindið var áður tekið fyrir á 689. fundi byggðarráðs 12. mars 2015. Óskað er eftir aðkomu Sveitarfélagsins Skagafjarðar að verkefninu Flugklasinn Air 66N og framlagi til þess sem nemur 300 kr. á hvern íbúa á ári í þrjú ár. Arnheiður Jóhannsdóttir framkvæmdastjóri Markaðsstofu Norðurlands kom til viðræðu við byggðarráð undir þessum dagskrárlið.

Fjallað um beiðni Markaðsstofu Norðurlands um styrk til Air 66N flugklasans. Nefndin samþykkir að veita kr. 300.000,- til verkefnisins að þessu sinni og er upphæðin tekin af fjárhagslið 13621. Nefndin mun óska eftir fundi síðar á árinu með starfsmanni flugklasans til að fara yfir framvindu verkefnisins.

Afgreiðsla 691. fundar byggðaráðs staðfest á 326. fundi sveitarstjórnar 22. apríl 2015 með níu atkvæðum.

Afgreiðsla 18. fundar atvinnu- menningar- og kynningarnefndar staðfest á 326. fundi sveitarstjórnar 22. apríl 2015 með átta atkvæðum. Gréta Sjöfn Guðmundsdóttir óskað bókað að hún sitji hjá, en fulltrúi K lista sat ekki fundinn því hann hafði hafði ekki vitneskju um hann.