Port

Hin árlega Jónsmessuhátíð á Hofsósi verður um helgina 16.-17. júní og hefst hátíðin með Jónsmessugöngu kl 18 á föstudeginum. Mæting er við Höfðaborg og er gengið frá Stafnshóli að Miðhúsum um Axlarveg. Íslensk kjötsúpa er í boði kl 19 og kvöldvaka kl 21 þar sem Hrafnhildur Víglundsdóttir Voice stjarna kemur fram ásamt fleirum.

Íbúa- og átthagafélag Fljóta efnir til hreinsunardags í Fljótum á föstudaginn nk. Gert er ráð fyrir að hittast á Sólgörðum kl. 12 þar sem hópnum verður skipt niður á svæði. Að hreinsun lokinni verður boðið upp á lummukaffi á Sólgörðum sem hefst kl. 16.

Umsóknarfrestur hefur verið framlengdur til og með 28. júní 2017.

Sveitarfélagið Skagafjörður auglýsir eftir tilboðum í jarðvinnu, lagnavinnu, uppsteypu og frágang vegna gervigrasvallar á Sauðárkróki. Verkið felst í uppsteypu stoðveggja, tæknirýmis og undirstaðna undir ljósamöstur, jarðvinnu, frárennslis- og snjóbræðslulagnir, hellulögn o.fl.

Þann 7. júní síðastliðinn samþykkti sveitarstjórn Sveitarfélagsins Skagafjarðar að auglýsa tillögu að deiliskipulagi fyrir skíðasvæðið í Tindastóli. Tillagan felur í sér gerð deiliskipulags fyrir skíðasvæðið eins og það er afmarkað í aðalskipulagi og er markmiðið að fá fram heildstætt skipulag fyrir svæðið og nánasta umhverfi þess.

Sjómannadagurinn verður haldinn hátíðlegur um land allt um helgina og eru hátíðahöldin á Sauðárkróki á laugardeginum og á Hofsósi á sunnudeginum. Það verður ýmislegt til skemmtunar og kaffisala slysavarnafélaganna verður á sínum stað á báðum stöðum.

Á vef Heilbrigðiseftirlits Norðurlands vestra er sagt frá því að fullyrt hafi verið í sjónvarpsfréttum þann 5. júní sl að ástand leiktækja á opinberum leiksvæðum, m.a. leikskólum væri í molum. Þessar fullyrðingar eru til þess fallnar að valda foreldrum barna óþarfa ótta vegna þess að þær standast ekki nánari skoðun.

Nú er SumarTím farið af stað í Skagafirði og ýmislegt áhugavert og skemmtilegt í boði fyrir börn 5-12 ára. Skráningar fara fram á sumartim@skagafjordur.is eða í síma 660 4633.

Á vef Feykis er sagt frá því að Þórarinn Eymundsson á Sauðárkróki og Þórálfur frá Prestabæ hafi sett heimsmet í kynbótadómi á sýningu á Akureyri fyrir helgi með aðaleinkunnina 8,93 og 8,95 fyrir hæfileika. Fyrra met átti Spuni frá Vesturkoti.