Port

Hestamótið Fákaflug er haldið á Hólum í Hjaltadal helgina 28.-30. júlí. Hestamannafélagið Skagfirðingur heldur mótið í samstarfi við Hestamannafélögin Létti, Hring, Funa, Snarfara, Þyt og Neista.

Af gefnu tilefni vill Skipulags- og byggingarnefnd Sveitarfélagsins Skagafjarðar vekja athygli á, með vísan til greinar 2.6.1 í byggingarreglugerð 112/2012, að sækja skal um stöðuleyfi til sveitarfélagsins til að láta lausafjármuni standa lengur en tvo mánuði utan þeirra svæða sem sérstaklega eru skipulögð og ætluð til geymslu slíkra lausafjármuna. Þetta á m.a. við um gáma, báta, torgsöluhús og stór samkomutjöld.

Vegna viðgerðar á stofnlögn hitaveitu verður heitavatnslaust í Hlíða- og Túnahverfi á Sauðárkróki í dag, miðvikudaginn 19. júlí, frá kl. 16 og fram eftir nóttu. Beðist er velvirðingar á óþægindum sem þetta kann að valda.

Leitað er að einstaklingi sem hefur áhuga á að vinna með fötluðu fólki og hefur að bera lipurð í mannlegum samskiptum. Lögð er áhersla á gagnkvæma virðingu, háttsemi og stundvísi. Reynsla og menntun er kostur. Umsækjandi skal hafa náð 18 ára aldri.

Starfið felur í sér aðstoð við fatlaðan einstakling við athafnir daglegs lífs. Ásamt því að sinna félagslegum jafns sem líkamlegum þörfum eftir því sem við á. Starfið hentar konum jafnt sem körlum.

Margir hafa haft orð á því hve falleg blómakerin eru sem prýða neðstu brúna yfir Sauðá. Eitt þeirra er nú horfið. Ef einhver veit hvar kerið er þá óskum við eftir því að því verði annaðhvort skilað aftur á brúna eða í Ráðhúsið.

Á fimmtudaginn hefst landsmót yngri flokka í hestaíþróttum á Hólum í Hjaltadal en mótið stendur yfir dagana 13. - 16. júlí. Það er hestamannafélagið Skagfirðingur sem stendur fyrir mótinu sem er WorldRanking mót og er aðstaðan á Hólum glæsileg í alla staði og ein sú besta á landinu.

Arctic Coast Way er nýtt og spennandi verkefni sem fyrst var kynnt til sögunnar í vetur, og á að draga athygli ferðamanna að strandlengjunni meðfram Norðurlandi. Enska heitið hefur verið ákveðið en nú er óskað eftir tillögum að íslensku nafni fyrir ferðamannaveginn.

Matráður óskast til starfa við leikskólann Birkilund í Varmahlíð frá og með 14. ágúst n.k.