Port

Unglingalandsmót UMFÍ fer fram á Egilsstöðum um Verslunarmannahelgina. Alls eru 82 keppendur frá UMSS skráðir til þátttöku í 274 greinar og er það talsvert betri þátttaka frá félaginu en fyrri ár.

Bílaklúbbur Skagafjarðar stendur fyrir Ljómaralli í Skagafirði laugardaginn 29. júlí. Keppnin er sú þriðja í röðinni í Íslandsmótinu og fer fram með hefðbundnu sniði. Vegfarendur eru hvattir til að kynna sér lokanir á vegum vegna keppninnar.

Starfið er tvíþætt og felur í sér stuðning við fatlað fólk á hinum almenna vinnumarkaði og að sinna líkamlegum og félagslegum þörfum einstaklinga við athafnir daglegs lífs í Iðju. Starfið hentar konum jafnt sem körlum.

Heimaþjónustan veitir aðstoð við þrif og önnur heimilisstörf. Markmið heimaþjónustu er að efla einstaklinginn til sjálfshjálpar og gera honum kleift að búa sem lengst í heimaþjónustu við sem eðlilegastar aðstæður. Heimaþjónusta er veitt þeim sem geta ekki hjálparlaust séð um heimilishald vegna skertrar getu eins og veikinda, álags, öldrunar eða fötlunar.

Hestamótið Fákaflug er haldið á Hólum í Hjaltadal helgina 28.-30. júlí. Hestamannafélagið Skagfirðingur heldur mótið í samstarfi við Hestamannafélögin Létti, Hring, Funa, Snarfara, Þyt og Neista.

Af gefnu tilefni vill Skipulags- og byggingarnefnd Sveitarfélagsins Skagafjarðar vekja athygli á, með vísan til greinar 2.6.1 í byggingarreglugerð 112/2012, að sækja skal um stöðuleyfi til sveitarfélagsins til að láta lausafjármuni standa lengur en tvo mánuði utan þeirra svæða sem sérstaklega eru skipulögð og ætluð til geymslu slíkra lausafjármuna. Þetta á m.a. við um gáma, báta, torgsöluhús og stór samkomutjöld.

Vegna viðgerðar á stofnlögn hitaveitu verður heitavatnslaust í Hlíða- og Túnahverfi á Sauðárkróki í dag, miðvikudaginn 19. júlí, frá kl. 16 og fram eftir nóttu. Beðist er velvirðingar á óþægindum sem þetta kann að valda.

Leitað er að einstaklingi sem hefur áhuga á að vinna með fötluðu fólki og hefur að bera lipurð í mannlegum samskiptum. Lögð er áhersla á gagnkvæma virðingu, háttsemi og stundvísi. Reynsla og menntun er kostur. Umsækjandi skal hafa náð 18 ára aldri.

Starfið felur í sér aðstoð við fatlaðan einstakling við athafnir daglegs lífs. Ásamt því að sinna félagslegum jafns sem líkamlegum þörfum eftir því sem við á. Starfið hentar konum jafnt sem körlum.