Port

Margir hafa haft orð á því hve falleg blómakerin eru sem prýða neðstu brúna yfir Sauðá. Eitt þeirra er nú horfið. Ef einhver veit hvar kerið er þá óskum við eftir því að því verði annaðhvort skilað aftur á brúna eða í Ráðhúsið.

Á fimmtudaginn hefst landsmót yngri flokka í hestaíþróttum á Hólum í Hjaltadal en mótið stendur yfir dagana 13. - 16. júlí. Það er hestamannafélagið Skagfirðingur sem stendur fyrir mótinu sem er WorldRanking mót og er aðstaðan á Hólum glæsileg í alla staði og ein sú besta á landinu.

Arctic Coast Way er nýtt og spennandi verkefni sem fyrst var kynnt til sögunnar í vetur, og á að draga athygli ferðamanna að strandlengjunni meðfram Norðurlandi. Enska heitið hefur verið ákveðið en nú er óskað eftir tillögum að íslensku nafni fyrir ferðamannaveginn.

Matráður óskast til starfa við leikskólann Birkilund í Varmahlíð frá og með 14. ágúst n.k.

Umsóknarfrestur um nokkrar stöður í Grunnskólanum austan Vatna hefur verið framlengdur til og með 19. júlí næstkomandi. Um er að ræða stöðu umsjónarkennara á Sólgörðum, kennslu í verkgreinum og baðvörslu á Hofsósi og Hólum.

Umsóknarfrestur um stöður textílkennara og kennara í málmsmíði við Varmahlíðarskóla hefur verið framlengdur til og með 20. júlí næstkomandi.

Skipulags- og byggingarfulltrúi auglýsir til kynningar skipulagslýsingu vegna gerðar deiliskipulags jarðarinnar Merkigarðs í Tungusveit. Skipulagslýsingin liggur frammi í ráðhúsi sveitarfélagsins við Skagfirðingabraut og hér á heimasíðunni.

Sveitarfélagið Skagafjörður auglýsir lausa stöðu vaktstjóra við Sundlaugina á Hofsósi. Vaktsjóri stýrir daglegu starfi sundlaugarinnar og skipuleggur störf og vaktir starfsmanna. Hann ber ábyrgð á skilum á skýrslum og uppgjöri og annast samskipti við aðra starfsmenn sveitarfélagsins eftir atvikum.

Á morgun, laugardaginn 1. júlí, verður opnuð myndlistarsýningin Fyrsta Umhverfing í Safnahúsinu og Heilbrigðisstofnun Norðurlands á Sauðárkróki.