Port

Tónlistarhátíðin Drangey music festival-þar sem vegurinn endar, verður á Reykjum á Reykjaströnd næstkomandi laugardag 27. júní. Úrvalslið tónlistarmanna sér um að allir skemmti sér en tjaldsvæðið verður einungis opið fyrir tónleikagesti aðfaranótt sunnudagsins.

Nýr yfirhafnarvörður hefur verið ráðinn hjá Skagafjarðarhöfnum Einar Ágúst Gíslason, hann tekur við starfinu þegar núverandi yfirhafnarvörður lætur af störfum 1. október.

Lifandi landslag er smáforrit sem leiðir notanda sinn um Skagafjörð. Forritið er svokallað ferðaapp, það er ókeypis að sækja það og tilgangur þess er að kynna skagfirskan menningararf og þá afþreyingu sem í boði er í héraðinu. Í tilefni útgáfunnar verður útgáfuhóf í Miðgarði föstudaginn 26. júní kl 20.

Hanna Dóra Björnsdóttir hefur verið ráðin í stöðu skólastjóra Varmahlíðarskóla en sex umsóknir bárust um stöðuna.

Fjölskylduþjónusta Skagfirðinga auglýsir laust starf í félagslegri heimaþjónustu. Um 100% starf er að ræða og viðkomandi þarf að geta hafið störf sem fyrst.

Hin árlega Barokkhátíð á Hólum í Hjaltadal verður haldin dagana 25. - 28. júní. Þetta er sjöunda hátíðin og mun Halla Steinunn Stefánsdóttir barokkfiðluleikari leiða Barokksveit Hólastiftis.

Félagar á Sturlungaslóð bjóða til gönguferðar fimmtudaginn 25. júní kl 19.Gengin verður gamla þjóðleiðin frá Arnarstapa í Víðimýri. Leiðsögumaður er Helgi Hannesson. Allir velkomnir og ókeypis að slást með í för !

Í morgun var sundlaugin á Sauðárkróki opnuð eftir endurbætur en hún hefur verið lokuð síðan 1. júní.

Hátíðarsamkoma í tilefni af 100 ára afmæli kosningaréttar íslenskra kvenna var haldin í íþróttahúsinu á Sauðárkróki föstudaginn 19. júní. Sigríður Svavarsdóttir, forseti sveitarstjórnar, stjórnaði samkomunni og boðið var upp á veitingar að henni lokinni.