Port

Hin árlega landbúnaðarsýning Sveitasæla verður í reiðhöllinni Svaðastöðum laugardaginn 22. ágúst. Sýningin verður opin milli kl 10 og 17:30 og er aðgangur ókeypis. Handverksmarkaður verður á staðnum og fyrirtæki að kynna vörur sínar auk ýmissa atriða fyrir allan aldur. Kvöldvaka verður kl 19:30 og nokkur bú verða opin á sunnudeginum.

Næsti fundur sveitarstjórnar verður haldinn miðvikudaginn 19. ágúst kl. 16:15

Grunnskólinn austan Vatna óskar eftir að ráða matráð til starfa næsta skólaár með möguleika á áframhaldandi ráðningu. Um er að ræða 50% starf á starfsstöð skólans á Sólgörðum.

Mikið verður um að vera í Skagafirði um helgina og ættu allir að geta fundið eitthvað við sitt hæfi. Sögudagur á Sturlungaslóð, Hólahátíð, tónlistarhátíðin Gæran, meistaramót Íslands í frjálsum íþróttum 15-22 ára, Norðurlandsmeistaramót í skeets og Íslandsmót í vallarbogfimi.

Framkvæmdir við mótssvæðið á Hólum í Hjaltadal eru hafnar og unnið er hörðum höndum að því að aðstæður verði sem glæsilegastar þegar Landsmót hestamanna verður haldið þar dagana 27. júní til 3. júlí 2016.

Varmahlíðarskóli hefur framlengt umsóknarfrest um stöðu vélsmíða- og textílkennara. Umsækjendur þurfa að geta hafið störf sem fyrst og er um tímabunda ráðningu að ræða til 31. júlí 2016.

Eftir yfirferð umsókna ákvað valnefnd EDEN verkefnisins á Íslandi að útnefna Sveitarfélagið Skagafjörð sem gæðaáfangastað Íslands 2015 fyrir verkefnið Matarkistan Skagafjörður.

Tónlistarskóli Skagafjarðar óskar eftir að ráða tvo fiðlukennara fyrir skólaárið 2015-16. Annan í 100% stöðu og hinn í 50% forfallakennslu vegna fæðingarorlofs, sem getur kennt á selló og kontrabassa.

Í síðustu viku hófst uppgröftur á 11. aldar kristnum grafreit í Keflavík í Hegranesi en á næstu vikum verða um 20 manns við fornleifa- og jarðfræðirannsóknir víða í Hegranesi. Rannsóknunum stýra Guðný Zoëga, John Steinberger og Douglas Bolender.