Port

Þann 1. maí s.l. urðu nokkrar breytingar á verkaskiptingu innan fjölskyldusviðs Sveitarfélagsins Skagafjarðar. Um nokkurt skeið hefur verið unnið að greiningu og skoðun á því hvernig auka megi samþættingu og samstarf í þjónustu við íbúa og hafa þegar komið til framkvæmda ýmsar breytingar en nú hefur skrefið verið stigið til fulls með formlegri breytingu á verkaskiptingu innan sviðsins.

Búið er að opna fyrir skráningu í vinnuskóla sveitarfélagsins, sjá hlekk á heimasíðu sveitarfélagsins: https://www.skagafjordur.is/is/thjonusta/menntun/vinnuskoli

Frá og með 1. maí breyttist útivistartími barna til og með 1. september n.k. þar sem börn 12 ára og yngri mega vera úti til kl. 22 og börn 13-16 ára mega vera úti til kl. 24.

Ekki hefur tekist að birta launaseðla vegna apríl launa í heimabönkum starfsmanna en unnið er að úrlausn málsins. Við biðjumst velvirðingar á þessu.

Úrslitakeppnin í Skólahreysti þetta árið verður í Laugardagshöll í kvöld og hefst keppnin kl 20. Keppninni verður sjónvarpað beint á RÚV.

Vegna viðgerðar á stofnlögn í neðri bænum á Sauðárkróki verður heita vatnið tekið af kl 17 í dag 2. maí og þarf af leiðandi þarf að loka sundlaug Sauðárkróks kl 16:30. Sundlaugin opnar á venjulegum tíma í fyrramálið.

Vegna viðgerðar á stofnlögn verður heitavatnslaust í neðri bænum á Sauðárkróki frá kl. 17 í dag, miðvikudaginn 2. maí, og fram eftir kvöldi. Lokað verður frá Bárustíg og út á Eyri. Skagafjarðarveitur biðjast velvirðingar á þeim óþægindum sem þetta kann að valda.

Ingvi Hrannar Ómarsson, kennsluráðgjafi í Árskóla, hefur verið valinn einn af hundrað áhrifavöldum um menntamál í heiminum af hundred.org. Við óskum Ingva til hamingju með viðurkenninguna en horfa má á ítarlegt viðtal við hann sem tekið var af þessu tilefni.

Á verkalýðsdaginn þriðjudaginn 1. maí verður opið í sundlaug Sauðárkróks kl 10-16 og í sundlauginni á Hofsósi kl 11-15. Sundlaugin í Varmahlíð verður lokuð frá og með mánudeginum 30. apríl um óákveðinn tíma vegna framkvæmda við uppsetningu rennibrautar.