Fjölbreytileiki náttúru Skagafjarðar gerir staðinn að ákjósanlegum stað til að stunda útivist og njóta náttúrunnar. Útivistasvæði eru stutt frá íbúabyggð og þarf ekki að ganga lengi til að komast út í ósnerta náttúruna. Fjölbreyttar og fagrar gönguleiðir eru víðsvegar í firðinum, hvort sem er fyrir stuttar göngur og létta útiveru, eða lengri og meira krefjandi ferðir fyrir göngugarpa. Það er magnþrungið að sjá Skagafjörð taka á sig gjörólíka mynd þegar horft er niður í fjörðinn af fjöllunum sem umlykja héraðið.