Port

Á 738. fundi byggðarráðs Sveitarfélagsins Skagafjarðar sem haldin var í morgun 28. apríl var samþykkt að auglýsa og óska eftir tilboðum í gamla Árvistarhúsið við Freyjugötu.

Gæludýr í leiguhúsnæði sveitarfélagsins verða bönnuð frá 1. júní næstkomandi. Þetta var samþykkt á 738. fundi byggðarráðs sem haldinn var í morgun.

Leikskólinn Birkilundur í Varmahlíð auglýsir lausar stöður leikskólakennara frá 8. ágúst 2016. Ef ekki berast umsóknir frá leikskólakennurum með leyfisbréf er heimilt að ráða leiðbeinanda í stöðuna.

Gerð hefur verið skipulagslýsing vegna fyrirhugaðs deiliskipulags fyrir lóðirnar Skagfirðingabraut 51 og Ártorg 1 á Sauðárkróki. Skipulagslýsingin gerir ráð fyrir nýju deiliskipulagi fyrir lóðirnar sem felur í sér breytingu og stækkun byggingarreita og breytingar á innbyrðis lóðarmörkum.

Sæluvika Skagfirðinga var sett í Safnahúsinu á Sauðárkróki fyrr í dag. Var þar m.a. opnuð glæsileg myndlistarsýning Hallrúnar Ásgrímsdóttur, tilkynnt úrslit í Vísnakeppni Safnahúss Skagfirðinga og opinberað hver hlyti fyrstu Samfélagsverðlaun Sveitarfélagsins Skagafjarðar. Nemendur úr Tónlistarskóla Skagafjarðar léku nokkur lög á milli ávarpa.

Nú er Sæluvikan framundan en setning hennar verður í Safnahúsinu sunnudaginn 24. apríl kl 14. Sæluvikan er gamall menningarviðburður en upphaflega kallaðist vikan Sýslufundarvika og þá kom sýslunefnd Skagafjarðarsýslu saman til fundarhalda.

Nemendur Varmahlíðarskóla eru að hlaupa svokallaðan Hegraneshring í dag og hafa verið að safna áheitum undanfarna daga. Í þetta sinn ætla þau að hlaupa til styrktar Ívari Elí sem þarf að fara í rannsóknir til Boston í vor vegna flogaveiki.

Leikskólinn Ársalir á Sauðárkróki óskar eftir matráði í 50% framtíðarstarf á eldra stigi leikskólans. Einnig er auglýst sumarstarf leikskólakennara eða leiðbeinanda í 100% starfshlutfalli.

Sveitarfélagið Skagafjörður hefur tekið þá ákvörðun um að Bleikjukynbótastöðin á Hólum í Hjaltadal skuli ekki háð mati á umhverfisáhrifum samkvæmt lögum nr 106/2000.