Port

Laugardaginn 27. ágúst breytast opnunartímar í sundlaug Sauðárkróks og sundlauginni í Varmahlíð og í næstu viku í sundlauginni á Hofsósi. Sundlaug Sauðárkróks lokar hálftíma fyrr á virkum dögum og kl 16 um helgar en ekki 17 eins og verið hefur í sumar. Sundlaugin í Varmahlíð opnar fyrr á morgnana eða kl 9 í stað 10:30 í sumar en lokar fyrr á föstudögum, kl 14. Opnunartími um helgar er kl 10-15 en frá og með 1. október verður sundlaugin lokuð á sunnudögum.

345. fundur sveitarstjórnar Sveitarfélagsins Skagafjarðar var haldinn í gær að Sæmundargötu 7a. Fundirnir eru sendir út beint á netinu og alltaf er hægt að nálgast upptökur af eldri fundum hér á heimasíðunni.

Sundlaugin á Hofsósi verður lokuð vegna viðhalds næstkomandi mánudag og þriðjudag 29. og 30. ágúst. Laugin opnar aftur miðvikudaginn 31. ágúst og vetraropnunartími gengur í gildi. Athygli er vakin á því að dagsetning lokunarinnar er ekki rétt í Sjónhorninu því laugin er opin á sunnudaginn.

Norðurlands Jakinn er aflraunakeppni sterkustu manna landsins sem fer fram á Norðurlandi og er hún í anda Vestfjarðavíkingsins. Keppt er í einni grein í hverju bæjarfélagi. Á Sauðárkróki verður keppt í að lyfta atlas steini á tjaldsvæðinu á Nöfunum á laugardaginn kl. 12:00.

Í dag og á morgun verða skólarnir í Skagafirði settir. Skólasetningin í Árskóla er í dag og byrjar kl 9 en tímasetningar bekkja má sjá á heimasíðu skólans. Grunnskólinn austan Vatna er einnig settur í dag, í Sólgarðaskóla kl 9, Hólum kl 11 og Hofsósi kl 13. Skólasetning í Varmahlíðarskóla er á morgun þann 24. ágúst kl 14.

Næsti fundur sveitarstjórnar Sveitarfélagsins Skagafjarðar verður haldinn miðvikudaginn 24. ágúst í Sæmundargötu 7a og hefst hann kl 16:15.

Nú er sumri tekið að halla og þá taka við hin hefðbundnu haustverk og eru göngur og réttir þar á meðal. Búið er að ákveða réttardaga í flestum skagfirskum fjár- og stóðréttum þetta árið.

Leikskólinn Tröllaborg á Hólum óskar eftir að ráða starfsmann í eldhús. Um 50% tímabundna stöðu er að ræða frá byrjun október 2016 til loka maí 2017 og er vinnutíminn kl. 09:30-14:30 mánudaga til fimmtudags.

Við álagningu fasteignagjalda í janúar 2016 var tilkynnt að inneign eða skuld gæti myndast við endanlegan útreikning á afslætti vegna fasteignaskatts á íbúðir elli- og örorkulífeyrisþega. Nú er endurreikningi afsláttar vegna ársins 2016 lokið. Heildarafsláttur nam tæpum sjö milljónum króna vegna 182 fasteigna. Tilkynningar um niðurstöðu endurútreikningsins hafa verið póstsendar til viðkomandi.