Aðrir spennandi viðkomustaðir

Nokkrir staðir í Skagafirði, sem tengjast Sturlungasöguatburðum og -persónum, eru þess virði að skoða og fræðast um.

Einn þeirra er Hegranesþingsstaður, einn merkilegasti minjastaður landsins. Þar voru háð vorþing áður en hladið var á Alþingi.

Annar er Geldingaholt þar sem Oddur Þórarinsson varðist frækilega.

Þriðji er Glaumbær þar sem Hallur Þorsteinsson bjó, fylgismaður Kolbeins unga, og afkomandi Vínlandsfaranna sem seldi jörðina úr fjölskyldunni 1254.

Fjórði er Miklibær í Blönduhlíð þar sem blóðugar aftökur fóru fram 1234 og 1238, býlið þar sem Kálfur Guttormsson bjó stórbúi þar til hann var tekinn af lífi 1234 og þar sem Sighvatur Sturlusonur beið örlaga sinna í Örlygsstaðabardaga.

Fimmti er Fosslaug í landi Reykja, sem Félagið á Sturlungaslóð fékk leyfi til að hreinsa upp úr og hlaða í kring um. Laugin er skammt fyrir ofan hinn gullfallega Reykjafoss og dregur nafn af honum. 

Sturlungaslóð   |   sturlungaslod@sturlungaslod.is