Sögudagur á Sturlungaslóð 12. ágúst

Hinn árlegi sögudagur á Sturlungaslóð verður laugardaginn 12. ágúst og er hann að þessu sinni helgaður endurútgáfu bókarinnar Á Sturlungaslóð sem hefur verið ófáanleg í mörg ár.

Við bjóðum til málþings í Kakalaskála til kynningar á bókinni og fáum til liðs við okkur fræðimennina doktor Árna Daníel Júlíusson, einn af textahöfundum bókarinnar, og Aðalheiði Guðmundsdóttur prófessor í miðaldabókmenntum við Háskóla Íslands sem munu flytja fróðleg erindi.

Málþingið hefst kl 16 og verða kaffiveitingar og umræður að því loknu.

Aðgangur ókeypis.

Allir velkomnir!


Sturlungaslóð   |   sturlungaslod@sturlungaslod.is