Lýðheilsuganga

Lýðheilsugöngur Ferðafélags Íslands (FÍ) verða á öllu landinu nú í september og eru einn af hápunktunum í afmælisdagskrá FÍ, en félagið fagnar 90 ára afmæli á árinu. Göngurnar munu fara fram alla miðvikudaga í septembermánuði kl. 18:00. Þetta eru fjölskylduvænar göngur sem taka  u.þ.b. 60-90 mínútur og er tilgangur þeirra að hvetja fólk til útivistar og hreyfingar í góðum félagsskap og efla þar með heilsu sína og lífsgæði.

Ferðafélag Skagfirðinga kynnir lýðheilsugöngur frá Sauðárkróki. Brottför kl. 18:00.

 

13. september. Gengið að Hegranesvita. Lagt af stað frá gömlu brúnni við vesturósinn.