Vetrardagur í Glaumbæ - aðventugleði

Bjóðum öll velkomin á aðventugleði í Glaumbæ sunnudaginn 3. desember kl. 16-18!
 
Útgáfuhóf bókarinnar "Vetrardagur í Glaumbæ" og sýningaropnun samnefndrar sýningar verða í Áshúsi þar sem hægt verður að skoða bókina og virða fyrir sér teikningar og málverk eftir Jérémy Pailler.
 
Þjóðháttaáhugafólk frá Akureyri og félagar úr Kvæðamannafélaginu Gefjunni kemur í heimsókn og verður með jólastarfsdag í gamla bænum í Glaumbæ. Andrúmsloftið í bænum verður eins og við jólaundirbúning árið 1910. Hópurinn verður með kveðskap og sýnir tóvinnu, kertagerð, laufabrauðsútskurð og skreyta jólatré. Þá munu konurnar í Pilsaþyt gleðja gesti með nærveru sinni og Stjörnukór Tónadans syngur nokkur jólalög.
 
Jólamarkaður verður með smáframleiðendum í Skagafirði, kaffistofan í Áshúsi verður opin og sannur hátíðarbragur yfir svæðinu.
 
Frír aðgangur á safnið á meðan á viðburðinum stendur kl. 16-18.