Fljótamót 2019

Ferðafélag Fljóta stendur fyrir árlegu skíðagöngumóti í Fljótum, föstudaginn langa, 19. apríl 2019. Gengnar verða fjölbreyttar gönguleiðir við allra hæfi með hefðbundinni aðferð í öllum flokkum barna, unglinga, og fullorðinna.

Skráning á www.fljotin.is

Keppnin: Keppt verður í 20 km í karla og kvennaflokki á aldrinum 16-34, 35-49, 50-59 og 60 ára og eldri. Í vegalengdunum 5 km og 10 km verður keppt í karla og kvennaflokki 16 ára og eldri. Einnig verður keppt í flokki drengja og stúlkna í vegalengdunum 5 km og 10 km á aldrinum 12-15 ára, 2,5 km fyrir 6-11 ára og 1 km fyrir 3-5 ára. Nánari upplýsingar veita Birgir Gunnarsson mótstjóri 897 3464 og Björn Z. Ásgrímsson 897 4979.

Mótsgjöld:
Börn 16 ára og yngri allar vegalengdir 1.500 kr
5-10 km fullorðnir 3.000 kr ef skráð er fyrir 5. apríl annars 5.000 kr
20 km fullorðnir 4.000 kr ef skráð er fyrir 5. apríl annars 6.000 kr

Innifalið í mótsgjaldi eru veitingar að keppni lokinni í félagsheimili Fljótamanna, Ketilási. Einnig fer fram veglegt happadrætti að verðlaunaafhendingu lokinni, þar sem dregið verður úr rásnúmerum keppenda. Yngri keppendur fá páskaegg að keppni lokinni. Veitingasala er í boði fyrir gesti mótsins.

Mótið hefst kl 13:00 við Brúnastaði. Afhending keppnisnúmera fer fram við Ketilás frá 11:30 – 12:30. Rafræn skráning lokar á miðnætti 18. apríl. Hægt verður að skrá sig á Ketilási frá kl 10:00 – 11:00 að morgni keppnisdags.