Lausar lóðir

Lausar byggingarlóðir eru ávallt til á skipulögðum svæðum í sveitarfélaginu. Lóðir fyrir íbúðarhúsnæði eru lausar á Sauðárkróki, Varmahlíð,  Hofsósi og á Steinsstöðum. Á þessum stöðum eru einnig lausar iðnaðar- og athafnalóðir. Skipulags – og byggingarfulltrúi gefur allar nánari upplýsingar um lausar lóðir í Sveitarfélaginu. Þá er unnið að því að gera byggingarhæfar lóðir fyrir frístundahús á skipulögðu svæði í Steinsstaðabyggð.

Tímabundin niðurfelling gatnagerðargjalda til loka árs 2021

Samþykkt var á fundi sveitastjórnar  16.desember 2020, að framlengja frá og með 1. janúar 2021 samþykkt um tímabundna niðurfellingu gatnagerðargjalda af byggingum íbúðarhúsnæðis af hálfu einstaklinga og verktaka á lóðum við þegar tilbúnar götur á Sauðárkróki, Hofsósi, Varmahlíð og Steinsstöðum. Verði það gert á grundvelli sérstakrar lækkunarheimildar sem hægt er að veita skv. 6. gr. laga um gatnagerðargjöld nr. 153/2006. Lóðir sem niðurfellingin gildir um verði tilgreindar á sérstakan hátt á yfirlitskortum yfir lausar lóðir á heimasíðu sveitarfélagsins. Ofangreind samþykkt um niðurfellingu gatnagerðargjalda gildir um lóðir sem voru byggingarhæfar 1. janúar 2019.
Jafnframt samþykkti sveitarstjórnar að veita 50% afslátt af gatnagerðargjöldum af lóðum við nýjar götur sem verða byggingarhæfar og tilbúnar til úthlutunar á árunum 2019 og 2020.
Ákvæðið vari til 31. desember 2021. Ákvæðið verður ekki afturvirkt og miðað er við að byggingarleyfi hafi verið veitt innan þessara tímamarka.

Upplýsingar um gjaldskrár lóða og fasteigna

Reglur um úthlutun lóða 

 

Hér má sjá yfirlitskort yfir lausar lóðir:

Sauðárkrókur
Hofsós
Varmahlíð  

 

Umsókn um byggingarlóð (umsókn má einnig nálgast og fylla út í íbúagátt)

 

Frekari upplýsingar um lausar lóðir í Skagafirði:

Skipulagsfulltrúi Sveitarfélagsins Skagafjarðar   

Netfang: skipulagsfulltrui(hja)skagafjordur.is