Veitustjórn

42. fundur 24. janúar 2001 kl. 16:30 - 17:50 Skrifstofa Sveitarfélagsins

Veitustjórn Skagafjarðar

Fundur 42 – 24.01.2001

 

            Miðvikudagur 24.jan. árið 2001 kom veitustjórn saman kl. 16.30. á skrifstofu sveitarfélagsins.

            Mættir voru veitustjórnarmennirnir:  Árni Egilsson,  Einar Gíslason,  Sigrún Alda Sighvats, Ingvar Guðnason  og  Ingimar Ingimarsson, ásamt veitustjórunum Sigurði Ágústssyni og Páli Pálssyni.

 

DAGSKRÁ:

 

  1. Fjárhagsáætlun Rafveitu, seinni umræða.
  2. Fjárhagsáætlun Hitaveitu, seinni umræða.
  3. Fjárhagsáætlun Vatnsveitu, seinni umræða.
  4. Ákvörðun um efniskaup v/stofnlagnar hitaveitu á Langholti.
  5. Vatnsveitufélag Varmahlíðar, skýrt frá fundi varðandi málið.
  6. Önnur mál.

Formaður setti fundinn kl.16.30 og bauð fundarmenn  velkomna.

 

AFGREIÐSLUR:

1. Rafveitustjóri lagði fram fjárhagsáætlun fyrir Rafveitu Sauðárkróks fyrir árið 2001. Gjaldaliður er 140.370.000.- og tekjuliður 141.600.000.- Handbært fé frá rekstri er 11.300.000.- og fjárfestingar í varanlegum rekstrarfjármunum 14.530.000.- Veitustjórn samþykkir að vísa áætluninni til byggðarráðs og seinni umræðu í sveitarstjórn.

 

2. Veitustjóri lagði fram fjárhagsáætlun fyrir Hitaveitu Skagafjarðar fyrir árið 2001.   Gjaldaliðir eru 63.225.000.-  og tekjuliðir 80.500.000.- Handbært fé frá rekstri er 29.575.000.- og fjárfestingar í varanlegum rekstrarfjármunum 36.760.000.-  Veitustjórn samþykkir að vísa áætluninni til byggðarráðs og seinni umræðu í sveitarstjórn.

 

3. Veitustjóri lagði fram fjárhagsáætlun fyrir Vatnsveitu Skagafjarðar fyrir árið 2001. Gjaldaliðir eru 25.885.000.- og tekjuliðir 29.500.000.- Handbært fé frá rekstri er 8.265.000 og fjárfestingar í varanlegum rekstrarfjármunum 12.565.000.- Veitustjórn samþykkir að vísa áætluninni til byggðarráðs og seinni umræðu í sveitarstjórn.

 

4. Veitustjóri gerði grein fyrir tilboðum í efni við stofnlögn hitaveitu á Langholtinu. Veitustjórn samþykkir að taka tilboði frá Seti hf. í rör og tengiefni og tilboði frá Ís-rörum ehf í einangrunarhólka samtals að upphæð 10.152.632.- án VSK.

 

5. Formaður veitustjórnar gerði grein fyrir fundi sem hann, varaformaður og veitustjóri áttu með stjórn Vatnsveitufélagsins í Varmahlíð 22.jan.sl.um framtíð vatnsveitunnar í Varmahlíð.

 

6. Önnur mál:

A)    Byggðarráð vísaði bréfi frá Útrás ehf. á Akureyri dags. 18.des.2000 til veitustjórnar. Veitustjórn sér sér ekki fært að taka þátt í því verkefni sem boðið er upp á í bréfinu.

B)    Borist hefur bréf frá Iðnaðarráðuneyti dags. 12.jan. 2001 um niðurgreiðslur á raforku til hitunar íbúðarhúsnæðis og um styrki til nýlagna hitaveitna á rafhitasvæðum.Um er að ræða hækkun á fyrri styrkveitingum um 3.964.015.- vegna lagningar hitaveitu  á milli Sauðárkróks og Marbælis og frá Varmahlíð um Hólm í átt að Akrahreppi.  Veitustjórn samþykkir að skipting styrksins verði samkvæmt fyrri reglum, hitaveita 35 % og viðskiptavinir 65%.

 

 

Fleira ekki gert, fundargerð upplesin og samþykkt, og fundi slitið kl.17.50

 

Fundarritari: Sigurður Ágústsson

 

Árni Egilsson                                     Einar Gíslason

Sigrún Alda Sighvats                         Ingvar Guðnason

Ingimar Ingimarsson                          Páll Pálsson