Veitunefnd

45. fundur 02. febrúar 2018 kl. 11:00 - 12:30 að Borgarteigi 15, Sauðárkróki
Nefndarmenn
  • Gísli Sigurðsson formaður
  • Einar Eðvald Einarsson varaform.
  • Helgi Þór Thorarensen ritari
  • Úlfar Sveinsson áheyrnarftr.
Starfsmenn
  • Indriði Þór Einarsson sviðsstjóri veitu- og framkvæmdasviðs
  • Gunnar Björn Rögnvaldsson
Fundargerð ritaði: Indriði Þór Einarsson sviðsstjóri veitu og framkvæmdasviðs
Dagskrá

1.Lýtingsstaðahreppur vinnuútboð 2017 - Hitaveita og strenglögn

1707145

Framkvæmdum við útboðsverk hitaveitu í Lýtingsstaðahreppi lauk að mestu leyti í nóvember sl. Eftir á að þvera Vestari - Jökulsá framan við Goðdali en búið er að plægja hitaveitulögn beggja vegna árinnar.
Unnið er að frágangi við dælu- og borholuhús og loftskilju í landi Hverhóla þessa dagana. Stefnt er að því að hleypa heitu vatni á stofnlögn um mánaðarmótin febrúar / mars.

2.Hitaveita Óslandshlíð, Viðvíkursveit og Hjaltadalur

1710178

Sviðstjóra falið í samráði við Verkfræðistofuna Stoð að finna tíma fyrir kynningarfund vegna hitaveitu um Óslandshlíð, Viðvíkursveit og Hjaltadal í lok febrúar.

3.Vatnsveita á Steinsstöðum - möguleg stækkun dreifikerfis SKV

1503103

Lögð voru fyrir fundinn svör frá fasteignaeigendum varðandi mögulega stækkun vatnveitukerfis Skagafjarðarveitna við Steinsstaði.
Alls voru send út 11 kynningarbréf og hafa nú borist jákvæð svör frá öllum eigendum sem hafa þar með samþykkt yfirtöku Skagafjarðarveitna á hluta núverandi dreifikerfis samkvæmt teikningu í kynningarbréfi og uppdrætti frá Verkfræðistofunni Stoð, nr. S-102 dags. 14. nóv. 2017.
Veitunefnd samþykkir að tengja umrætt svæði við dreifikerfi Skagafjarðarveitna og felur sviðstjóra að undirbúa framkvæmdina.

4.Borun eftir köldu vatni á Sauðárkróki 2018

1801267

Lagt var fyrir fundinn tilboð frá Ræktunarsambandi Flóa og Skeiða í borun á kaldavatnsholum við Sauðárkrók. Um er að ræða holur á Skarðsdal og á Nöfunum.
Sviðstjóra falið að óska eftir tilskildum leyfum til borunar á þessum stöðum og að ræða við Ræktunarsamband Flóa og Skeiða um framkvæmd borunar.

5.Ísland ljóstengt 2018 v/ umsóknir

1709011

Farið var yfir styrkúthlutun úr verkefninu Ísland Ljóstengt fyrir árið 2018.
Veitunefnd leggur til að styrkúthlutun fyrir árið 2018 verði nýtt í ljósleiðaratengingar í Efribyggð og á Reykjaströnd.
Sviðstjóra faið að undirbúa útboð á verkinu.

6.Samningur við Mílu vegna uppbyggingu ljósleiðarakerfis í dreifbýli

1801270

Lögð voru fyrir drög að rammasamningi við Mílu vegna uppbyggingar ljósleiðaratenginga í dreifbýli í tengslum við Ísland Ljóstengt.

Fundi slitið - kl. 12:30.