Veitunefnd

18. fundur 08. júní 2015 kl. 15:00 - 16:10 að Borgarteigi 15, Sauðárkróki
Nefndarmenn
  • Gísli Sigurðsson formaður
  • Einar Eðvald Einarsson varaform.
  • Úlfar Sveinsson áheyrnarftr.
  • Leifur Eiríksson varam.
Starfsmenn
  • Indriði Þór Einarsson Sviðsstjóri veitu- og framkvæmdasviðs
  • Gunnar Björn Rögnvaldsson verkefnastjóri
Fundargerð ritaði: Indriði Þór Einarsson sviðsstjóri veitu og framkvæmdasviðs
Dagskrá

1.Hitaveita í Fljótum 2015

1408141

Farið var almennt yfir stöðu mála við hitaveituframkvæmdir í Fljótum.
Verktaki er búinn að sjóða um einn kílómeter af lögnum frá Dælislaug og til austurs.
Gröftur á lagnaskurði hefst í dag.

Þann 27. maí sl. voru opnuð tilboð í Loftskiljutank við borholuhús á Langhúsum.
Eitt tilboð barst í verkið frá Vélaverkstæði KS en þremur aðilum var gefið kost á að gera tilboð.
Tilboð frá Vélaverkstæðinu hljóðaði upp á 5.823.545.- eða um 93% af kostnaðaráætlun.
Veitunefnd leggur til að gengið verði til samninga við Vélaverkstæðið vegna smíði á Loftskilju á grundvelli tilboðs.

2.Hitaveita í Fljótum - Borhola við Langhús

1506051

Lagt var fyrir fundin minnisblað frá sviðstjóra þar sem fram kemur að samkvæmt rennslisprófunum sem framkvæmd hafa verið í vor er heildarrennsli frá svæðinu við Langhús, nýrri og gammalli holu, um 5 l/s. Til að anna hámarksrennsli á fullfrágenginni veitu í Fljótum þarf að auka vatnsmagnið um að lágmarki 2 l/s.
Í maí mánuði var einnig framkvæmd lóðun á holunni þar sem þungu lóði er slakað ofan í holuna til að athuga hvort einhver fyrirstaða sé í henni, en hitamæling ÍSOR hafði gefið til kynna að fyrirstaða væri í holunni á ca. 140m dýpi. Samkvæmt lóðun á holunni er fyrirstaða í henni á um 150 til 160m dýpi. Til þess að opna holuna þarf því að fá á staðinn borvagn sem borar í gegnum fyrirstöðuna og hreinsar holuna.
Veitunefnd leggur til að samið verði við Þórsverk um hreinsun á holunni og borun á nýrri.

3.Neysluvatn úr Sauðá - lagfæring á vatnsbóli

1406281

Sviðstjóri gerði grein fyrir undirbúningsvinnu vegna síunnar á botni stíflu
Undirbúningsvinnu er lokið og verða drenrör lögð í botn stíflunnar í sumar.
Með þessu móti er hægt að afleggja síuhúsið setja í staðinn vélræna síu á lögnina sem síar öll óhreinindi úr vatninu.

4.Skagafjarðarveitur - gjaldskrá 2015

1411182

Lögð voru fyrir fundin drög að breyttri gjaldskrá Skagafjarðarveitna.
Í drögunum er gert ráð fyrir breytingum á heimæðargjöldum í þéttbýli og dreifbýli ásamt föstu gjaldi fyrir mælaleigu.
Einnig er sett inn í gjaldskrána afsláttarákvæði fyrir stórnotendur og sprota- og nýsköpunarfyrirtæki.
Veitunefnd samþykkir drög að gjaldskrá og vísar til Byggðarráðs.
Fulltrúi Vinstri Grænna óskar bókað; "Tek ekki þátt í afgreiðslu gjaldskrár. Tel að skoða þurfi betur afsláttarkjör gjaldskrár."

5.Beiðni um umsögn - drög að reglum um staðfestingu ráðherra á gjaldskrám hitaveitna.

1505188

Lögð voru fyrir fundinn drög að reglum um staðfestingu ráðherra á gjaldskrám hitaveitna.
Með reglunum er ætlunin að skýra ferlið varðandi beiðnir um staðfestingu á gjaldskrám og einfalda það með rafrænni stjórnsýslu.
Reglunum er einnig ætlað að reyna að tryggja betur en áður að allar formkröfur séu uppfylltar og að allar veitur gefi upplýsingaru um breytingar á gjaldskrá og ástæður þeirra breytinga á fullnægjandi hátt.
Veitunefnd hefur ekki athugasemdir við drögin.

Fundi slitið - kl. 16:10.