Umhverfis- og samgöngunefnd

2. fundur 20. júlí 2022 kl. 10:00 - 11:15 með fjarfundabúnaði
Nefndarmenn
  • Hrefna Jóhannesdóttir formaður
  • Sólborg Sigurrós Borgarsdóttir varaform.
  • Hildur Þóra Magnúsdóttir áheyrnarftr.
  • Elínborg Erla Ásgeirsdóttir varam.
Starfsmenn
  • Steinn Leó Sveinsson sviðsstjóri veitu- og framkvæmdasviðs
  • Valur Valsson verkefnastjóri
Fundargerð ritaði: Steinn Leó Sveinsson sviðsstjóri veitu- og framkvæmdasviðs
Dagskrá

1.Skoðanakönnun um sorphirðu í dreifbýli 2022

2206135

Íbúafundir til undirbúnings skoðanakönnunar voru haldnir í Varmahlíð og á Hofsósi mánudaginn 4. júlí. Um 15 manns mættu á fundinn í Varmahlíð og um 30 voru með í streymi. Á Hofsósi mættu 30 manns og svipaður fjöldi í streymi.Í dag hafa um 600 manns horft á fundinn í Varmahlíð og 365 manns horft á fundinn á Hofsósi.
Niðurstöður skoðanakönnunar er eftirfarandi:
Fjöldi á kjörskrá: 671
Fjöldi greiddra atkvæða: 171
Kosningaþátttaka: 25%
Valkostur 1 | íbúar í dreifbýli Skagafjarðar skili flokkuðu heimilissorpi á móttökustöðvar í sveitarfélaginu: 62 atkvæði | Hlutfall 36%
Valkostur 2 | Heimilissorp sótt á öll lögheimili í dreifbýli Skagafjarðar: 109 atkvæði | Hlutfall 64%.

Á grundvelli niðurstöðu könnunarinnar samþykkir Umhverfis- og samgöngunefnd að valkostur 2 verði notaður við gerð komandi útboðs vegna sorphirðu í Skagafirði. Það er afar mikilvægt að stuðlað sé að sjálfbærri auðlindanýtingu með því að auka endurvinnslu og aðra endurnýtingu úrgangs, dregið sé úr urðun og urðun lífbrjótanlegs úrgangs hætti. Nefndin telur það einnig ótvíræðan kost að það sé samræming í sorphirðu innan sveitarfélagsins. Nefndin hefði gjarnan viljað sjá meiri þátttöku en þakkar þeim sem tóku þátt og nýttu rétt sinn til að hafa áhrif á þróun mála.

2.Útboð á sorphirðu í Skagafirði 2022

2010077

Fyrir fundinum liggja drög að verklýsingu fyrir útboð á sorphirðu í Skagafirði 2023 - 2027.

Umhverfis- og samgöngunefnd felur sviðsstjóra Veitu- og framkvæmdasviðs að sjá um áframhaldandi vinnu við gerð útboðs og verklýsingar með það að markmiði að útboðsgögn verði tilbúin til auglýsingar í byrjun ágúst.

Fundi slitið - kl. 11:15.