Umhverfis- og samgöngunefnd

165. fundur 13. janúar 2020 kl. 10:00 - 11:40 að Sæmundargötu 7a
Nefndarmenn
  • Ingibjörg Huld Þórðardóttir formaður
  • Guðlaugur Skúlason varaform.
  • Steinar Skarphéðinsson ritari
  • Svana Ósk Rúnarsdóttir áheyrnarftr.
Starfsmenn
  • Indriði Þór Einarsson Sviðsstjóri veitu- og framkvæmdasviðs
Fundargerð ritaði: Indriði Þór Einarsson sviðsstjóri veitu- og framkvæmdasviðs
Dagskrá

1.Sorphirða í dreifbýli

1808218

Rætt var almennt um sorphirðu í dreifbýli.
Ómar Kjartansson frá Flokku og Ó.K. Gámaþjónustu sat fundinn undir þessum lið.

2.Fundagerðir Hafnasamband Ísl. 2019

1901004

Lagðar fram til kynningar fundargerðir Hafnasambands Íslands.

3.Rækjuvinnslan Dögun - tímabundinn lóðarleigusamningur vegna frystigáma

2001089

Lögð voru fram drög að tímabundnum lóðarleigusamning fyrir Rækjuvinnsluna Dögun um lóð undir frystigáma austan við núverandi vinnsluhús Dögunar. Samningurinn gerir ráð fyrir að lóðinni sé úthlutað tímabundið undir frystigáma en gert er ráð fyrir að Dögun verði úthlutað lóðinni sem byggingarlóð að loknu deiliskipulagsferli hafnarsvæðisins sem nú er í vinnslu.
Umhverfis- og samgöngunefnd samþykkir drögin fyrir sitt leyti.

4.Fyrirhuguð niðurfelling Reykjarhólsvega7853-02 og 7858-1, Lágmúlavegar og Ysta-Mós vegar

2001050

Lagt var fram til kynningar bréf frá Vegagerðinni þar sem tilkynnt er að fallið sé frá fyrirhugaðri niðurfellingu Reykjarhólsvegar 7853-02.

5.Ábendingar vegna umferðaröryggi barna

1912184

Lagt var fram erindi frá Lindu Jónsdóttur á Sauðárkróki varðandi umferðaröryggi barna á Sauðárkróki, m.a. vegna hraðaksturs á Hólavegi.
Umhverfis- og samgöngunefnd felur sviðstjóra að koma með tillögur að úrbótum.

6.Hundasvæði á Sauðárkróki

1708091

Lögð var fram til kynningar tilynning um lok framkvæmda við hundasvæði á Sauðárkróki.

7.Tillaga um vettvangsferð

2001058

Lögð var fram til kynningar bókun byggðarráðs varðandi tillögu um vettvangsferð í Hofsós til að skoða umfang mengunar í jarðvegi vegna bensínleka úr tönkum N1.
Byggðarráð samþykkti á fundi sínum þann 9. janúar sl. að óska eftir fundi með heilbrigðisfulltrúa og formanni heilbrigðisnefndar. Í kjölfar þess fundar verði farið í vettvangsferð og í framhaldi óskað eftir fundi með forsvarsmönnum Olíudreifingar ehf. og N1 ehf.
Umhverfis- og samgöngunefnd leggur áherslu á að mál þetta leysist sem fyrst.

8.Gjaldskrá sorphirðu og sorpurðunar 2020

1910266

Umhverfis- og samgöngunefnd áréttar að sorpeyðingargjald fyrir bújarðir eða býli með atvinnustarfsemi skv. 1 gr. gjaldskrár fyrir sorpurðun og sorphirðu á við um allar bújarðir og býli þar sem skráðir eru fleiri en 10 gripir (sauðfé og geitfé, nautgripir, hross, grísir). Leggst gjaldið á hverja skráða jörð sem uppfyllir þessi skilyrði.

Fundi slitið - kl. 11:40.