Umhverfis- og samgöngunefnd

161. fundur 15. október 2019 kl. 10:00 - 12:40 að Sæmundargötu 7a
Nefndarmenn
  • Ingibjörg Huld Þórðardóttir formaður
  • Guðlaugur Skúlason varaform.
  • Steinar Skarphéðinsson ritari
  • Högni Elfar Gylfason varam. áheyrnarftr.
Starfsmenn
  • Indriði Þór Einarsson Sviðsstjóri veitu- og framkvæmdasviðs
  • Helga Björk Gunnlaugsdóttir garðyrkjustjóri
Fundargerð ritaði: Indriði Þór Einarsson sviðsstjóri veitu- og framkvæmdasviðs
Dagskrá

1.Samstarf um uppbyggingu fjölskyldugarðs

1901228

Fulltrúar frá Kiwanisklúbbnum Freyju sátu fundinn og ræddu hugmyndir um uppbyggingu á fjölskyldugarði.
Sviðstjóra falið að útbúa drög að samkomulagi um uppbyggingu fjölskyldugarðs á Sauðárkróki.

2.Aðild að Cruise Europe

1909175

Lagður fram til kynningar tölvupóstur frá Cruise Europe um mögulega aðild Skagafjarðarhafna að samtökunum.
Málinu frestað til næsta fundar.

3.Ný umferðarlög - hámarks ökuhraði í þéttbýli

1909185

Nýsamþykkt umferðarlög kveða á um að hámarkshraði í þéttbýli skuli standa á heilum tug og má því ekki vera 35 km/klst eins og raunin er á Sauðárkróki í dag.
Umhverfis- og samgöngunefnd leggur til að löglegur hámarkshraði verði lækkaður úr 35km/klst niður í 30km/klst á þeim svæðum sem núverandi hraðatakmarkanir ná til.

4.Umferðarmerkingar við Árskóla og íþróttahús á Sauðárkróki

1910073

Farið var yfir umferðarmál í kringum Árskóla, íþróttahús og heimavist FNV. Sviðsstjóri fór á dögunum yfir svæðið ásamt lögreglustjóra, slökkviliðsstjóra og skólastjóra Árskóla þar sem einblínt var á öryggi vegfarenda, gangandi, hjólandi og akandi, um svæðið.
Úrbætur eru þegar hafnar.

5.Erindi vegna lýsingar og frágangs á göngustíg í Hliðarhverfi

1910080

Lagt var fyrir fundinn erindi frá Björk Hlöðversdóttur varðandi lýsingu á göngustíg í Hliðarhverfi.
Nefndin felur sviðstjóra að gera kostnaðaráætlun vegna lýsingar og lagfæringar á göngustígnum.

6.Gámasvæði í Varmahlíð - útboðsverk

1801272

Farið var yfir opnun tilboða í sorpmóttöku í Varmahlíð.
Tilboð í verkið voru opnuð fimmtudaginn 3. október sl. og bárust 2 tilboð í verkið;

Uppsteypa ehf. 57.818.600.-
Vinnuvélar Símonar ehf. 57.193.968.-

Kostnaðaráætlun Verkfræðistofunnar Stoðar hljóðar upp á 51.063.000.-

Umhverfis- og samgöngunefnd felur sviðstjóra að ganga frá verksamningi við lægstbjóðanda.

Steinar Skarphéðinsson og Ingibjörg Huld Þórðardóttir, viku af fundi undir afgreiðslu málsins.
Sigríður Magnúsdóttir sat fundinn undir afgreiðslu þessa máls í stað Ingibjargar Huldar.

7.Vinnureglur um númerslausar bifreiðar, starfsleyfi verktaka

1906274

Ræddar voru vinnureglur um númerslausar bifreiðar og starfsleyfi verktaka sem Heilbrigðiseftirlit Norðurlands vestra samþykkti nýverið. Einnig voru ræddir snertifletir umhverfis- og samgöngunefndar og heilbrigðisnefndar.
Sigurjón Þórðarson, heilbrigðisfulltrúi Norðurlands vestra, sat fundinn undir þessum lið fundarins.

8.Umhverfismál almennt - yfirferð með garðyrkjustjóra

1910072

Farið var yfir umhverfismál almennt ásamt garðyrkjustjóra, Helgu Gunnlaugsdóttur.

Fundi slitið - kl. 12:40.