Umhverfis- og samgöngunefnd

141. fundur 20. ágúst 2018 kl. 11:00 - 12:30 að Sæmundargötu 7a
Nefndarmenn
  • Ingibjörg Huld Þórðardóttir aðalm.
  • Guðlaugur Skúlason aðalm.
  • Svana Ósk Rúnarsdóttir áheyrnarftr.
Starfsmenn
  • Indriði Þór Einarsson Sviðsstjóri veitu- og framkvæmdasviðs
Fundargerð ritaði: Indriði Þór Einarsson sviðsstjóri veitu- og framkvæmdasviðs
Dagskrá

1.Sauðárkrókshöfn - skipulagsmál

1808083

Farið var yfir skipulagsmál Sauðárkrókshafnar. M.a. var farið yfir drög að skipulagsuppdrætti frá 2010 ásamt tillögum Vegagerðarinnar um stækkun hafnarinnar.
Stefnt er að því að halda áfram vinnu við deiliskipulag hafnarsvæðisins.
Þessi liður fundarins var sameiginlegur með skipulags- og bygginganefnd.

2.Formlegt erindi um stækkun á húsnæði landvinnslu Fisk Seafood

1808093

Lagt var fyrir nefndina erindi frá FISK Seafood hf. um stækkun á húsnæði landvinnslu fyrirtækisins.
Nefndin óskar eftir kynningarfundi þar sem áformin verða kynnt nefndarmönnum.

3.Sauðárkrókshöfn - dýpkun 2018

1804077

Dýpkunarskipið Galilei er komið til Sauðárkrókshafnar og mun hefja dýpkun á næstu dögum. Alls verða dýpkaðir um 60.000m3 í innsiglingu og á snúningssvæði innan hafnar.

4.Snjómokstur Sauðárkróki

1807003

Lagt var fyrir fundinn erindi frá Vinnuvélum Símonar ehf. um framlengingu á samningi vegna snjómoksturs á Sauðárkóki.
Nefndin felur sviðstjóra að framlengja samning um snjómokstur á Sauðárkóki um 1 ár.

5.Auglýsingar meðfram vegum og annars staðar utan þéttbýlis

1807128

Lagt var fram til kynningar erindi frá Umhverfisstofnun varðandi auglýsingar meðfram vegum og annars staðar utan þéttbýlis. Í erindinu vekur Umhverfisstofnun athygli á gildandi lögum og reglugerðum sem þetta varðar og beinir því til sveitarfélaga að vera vakandi fyrir óheimilum auglýsingum.

6.Kynningarfundur umhverfis- og auðlindaráðherra um drög að frumvarpi um nýja stofnun fyrir verndarsvæði á Íslandi

1808026

Lagður var fyrir tölvupóstur frá umhverfis- og auðlindaráðuneyti vegna kynningarfunda umhverfis- og auðlindaráðherra um drög að frumvarpi um nýja stofnun fyrir verndarsvæði á Íslandi. Stofnuninni er ætlað að hafa með höndum umsýslu allra þjóðgarða á Íslandi og annarra friðlýstra svæða auk almennrar náttúverndar. Kynningarfundur verður haldinn á Akureyri 23. ágúst nk.

7.Reglugerð um starfsemi slökkviliða

1807166

Lögð var fram til kynningar nýsamþykkt reglugerð um starfsemi slökkviliða.

Fundi slitið - kl. 12:30.