Skipulagsnefnd

7. fundur 22. september 2022 kl. 10:00 - 11:00 í Ráðhúsi, Skr.
Nefndarmenn
  • Sigríður Magnúsdóttir formaður
  • Jón Daníel Jónsson varaform.
  • Eyþór Fannar Sveinsson aðalm.
  • Álfhildur Leifsdóttir áheyrnarftr.
Starfsmenn
  • Sæunn Kolbrún Þórólfsdóttir skipulagsfulltrúi
  • Sigurður H. Ingvarsson starfsmaður skipulagsfulltrúa
  • Anna Kristín Guðmundsdóttir starfsmaður skipulagsfulltrúa
Fundargerð ritaði: Sæunn Kolbrún Þórólfsdóttir skipulagsfulltrúi
Dagskrá
Anna Kristín Guðmundsdóttir ráðgjafi í skipulagsmálum sat fundinn í gegnum fjarfundarbúnað.

1.Steinsstaðir - Íbúðarbyggð - Deiliskipulag

2206266

Farið yfir innsendar athugasemdir við skipulagslýsingu fyrir íbúðarbyggð á Steinsstöðum. Alls bárust fjórar athugasemdir sem hafðar verða til hliðsjónar við áframhaldandi deiliskipulagsvinnu svæðisins.

2.Sauðárkrókur - Deiliskipulag - Norðurbær

2203236

Farið yfir tillögu að breyttri afmörkun deiliskipulagssvæðis fyrir norðurbæinn á Sauðárkróki. Skipulagsfulltrúa og hönnuði falið að vinna málið áfram í samræmi við umræður fundarins.

3.Háahlíð 14 - Lóðarmál

2111039

Jóhannes Friðrik Þórðarsson og Helga Eyjólfsdóttir þinglýstir lóðarhafar lóðarinnar við Háuhlíð 14 á Sauðárkróki, sækja um breytingu á afmörkun lóðarinnar. Meðfylgjandi gögn unnin á Stoð ehf. Verkfræðistofu, dagssett 15.09.2022 gera grein fyrir umbeðnum breytingum.

Skipulagsnefnd samþykkir erindið eins og það er fyrirlagt.

4.Álfgeirsvellir land (landnúmer 207714) - Umsókn um stofnun landspildu og byggingarreits

2209215

Indriði Stefánsson þinglýstur eigandi Álfgeirsvalla lands, (landnr. 207714), óskar eftir heimild til að stofna 14 ha spildu úr landi jarðarinnar, sem „Syðri-Vellir“, skv. meðfylgjandi afstöðuuppdrætti nr. S01 í verki 72560201 útg. 01.09 2022. Afstöðuppdrátturinn unnin hjá Stoð ehf. verkfræðistofu.

Óskað er eftir því að útskipt spilda haldi skilgreiningunni sem jörð og að landheiti útskiptrar spildu verði Syðri-Vellir. Ekki er annað landnúmer skráð með sama landheiti í Skagafirði.
Landskipti samræmast aðalskipulagi Sveitarfélagsins Skagafjarðar 2020-2035 og styðja við markmið aðalskipulags um búsetu í dreifbýli.
Landskipti hafa óveruleg áhrif á búrekstrarskilyrði og skerða ekki landbúnaðarsvæði í I. og II. flokki.
Ræktað land innan útskiptrar landsspildu er 1,3 ha.
Engin fasteign er á umræddri spildu.
Lögbýlarétturinn mun áfram fylgja Álfgeirsvöllum landi, landnr. 207714.

Jafnframt er óskað eftir eftir heimild til að að stofna 20800 m2 byggingarreit fyrir íbúðarhús innan spildunnar, líkt og sýnt er á sama uppdrætti.
Hámarksbyggingarmagn verði 300 m².
Jákvæð umsögn Vegagerðarinnar um vegteningu liggur fyrir.

Skipulagsnefnd samþykkir umbeðin landskipti og felur skipulagsfulltrúa að afgreiða umsókn um byggingarreit að fenginni umsögn minjavarðar.

5.Nestún norður - Parhúsalóðir til úthlutunar

2205116

Umsóknarferli um parhúsalóðir í Nestúni (16, 18, 22 og 24) lauk þann 15.09.2022. Mikill áhugi var á lóðunum og margir umsækjendur um hverja lóð. Í samræmi við úthlutunarreglur hefst nú undirbúningsferli skipulagsfulltrúa fyrir úthlutun þar sem draga þarf á milli umsækjenda.
Nánari tímasetning útdráttar verður auglýst síðar og umsækjendum boðið að vera viðstödd útdrátt.

6.Birkimelur í Varmahlíð - Íbúðarlóðir til úthlutunar

2205117

Umsóknarferli um lausar lóðir við Birkimel í Varmahlíð lauk þann 15.09.2022. Í samræmi við úthlutunarreglur hefst nú undirbúningsferli skipulagsfulltrúa fyrir úthlutun þar sem draga þarf á milli umsækjenda.
Nánari tímasetning útdráttar verður auglýst síðar og umsækjendum boðið að vera viðstödd útdrátt.

7.Steinsstaðir lóð nr. 4 (LL222091) - Umsókn um lóð.

2208155

Ein umsókn barst um frístundalóð nr. 4 á Steinsstöðum (landnúmer 222091) frá Birgi Bragasyni og Sveinbjörgu Ragnarsdóttur.
Skipulagsnefnd samþykkir að úthluta lóðinni til umsækjenda.

8.Steinsstaðir lóð nr. 6 (LL222093) - Umsókn um lóð

2208156

Ein umsókn barst um frístundalóð nr. 6 á Steinsstöðum (landnúmer 222093) frá Hólmfríði Lilju Böðvarsdóttur.
Skipulagsnefnd samþykkir að úthluta lóðinni til umsækjanda.

9.Steinsstaðir lóð nr. 7 (LL222094) - Umsókn um lóð

2208170

Ein umsókn barst um frístundalóð nr. 7 á Steinsstöðum (landnúmer 222094) frá Jóhanni Ara Böðvarssyni.
Skipulagsnefnd samþykkir að úthluta lóðinni til umsækjanda.

Fundi slitið - kl. 11:00.